Bandièra01 1180x150: Comuna de Tolosa

Actualitats

Sant Joan de Lus: agredit brutalament per aver parlat basco

“Sèm en França aicí, qu’es aquò, aquel patois?”, çò diguèron los agressors abans de li fracturar la cavilha e lo peronè

| Dani Armengol Garreta

Tèxte legit

Agression brutala a Sant Joan de Lus per aver parlat basco. Dins l’encastre de las “non-fèstas” del 26 e 27 de junh passats, un òme sonat Jean-Louis Iratzoki aguèt fracturats lo peronè e una cavilha per aver conversat amb son nebot en lor lenga mairala. L’òme èra per carrièras davant l’ostal de son fraire e charrava amb son nebot qu’èra al balcon. A aquel moment l’interpelèron tres òmes que passavan per carrièras: “Sèm en França aicí, qu’es aquò, aquel patois“?, çò li demandèron. Iratzoki lor respondèt qu’èra de basco, e deguèt passar la nuèch a l’espital. Sos agressors son pas estats encara identificats. Segon qualques testimònis agissián jos l’influéncia de l’alcòl e de las drògas.
 
Aquel meteis ser, d’autres bascofòns de la vila denonciavan d’èsser estats interpelats al crit de “sèm en França” quand parlavan basco del temps que de grops de musica en basco recebèron de projectils e de fiuladas. Jon Garmendia, gerent d’un restaurant, recebèt l’insulte “puta de basco” mentre que barrava son establiment . Per Garmendia, aquelas violéncias bascofòbas an aumentat: “La cultura basca s’es refortida a Sant Joan de Lus e d’unes son contra”, çò ditz a Mediabask.
 
 
 
 
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sado-Maso Igiènicum Publicae
11.

#2 Tè, la tarlosa macroniana que nos ven mai cercar per son carpan quotidian !

  • 11
  • 5
ltrobat
10.

#6 Tota la cultura institucionau de França s'ei bastida dens la negacion de las identitas qui ne son pas la de L'Isla-de-França e dens l'idea que lo patuès parisenc ei ua lenga d'esséncia divina miaçada per nhargos de sauvatges d'Occitania, de Bretanha, deu Bascoat...
Las atacas de Blanquer contre los deputats qui votèn la lei Molac e que taxè de "separatisme", quan òm sap qu'aqueste concèpte estó desvelopat en seguir deu murtre de Samuel Paty, que pesan hèra dens l'imaginari colectiu...
En mei d'aquò que cau tiéner compte deu tribalh de propaganda de mediàs com CNews qui difusan tot dia ua ideologia suprematista, ua vision d'ua identitat e cultura francesa miaçada contre enemics que la vòlen destrusir.
Tot aquò que neureish reflèxes d'aquesta traca.

  • 3
  • 0
ltrobat
9.

#6 Tota la cultura institucionau de França s'ei bastida dens la negacion de las identitas qui ne son pas la de L'Isla-de-França e dens l'idea que lo patuès parisenc ei ua lenga d'esséncia divina miaçada per nhargos de sauvatges d'Occitania, de Bretanha, deu Bascoat...
Las atacas de Blanquer contre los deputats qui votèn la lei Molac e que taxè de "separatisme", quan òm sap qu'aqueste concèpte estó desvelopat en seguir deu murtre de Samuel Paty que pesan hèra dens l'imaginari colectiu...
En mei d'aquò que cau tiéner compte deu tribalh de propaganda de mediàs com CNews qui difusan tot dia ua ideologia suprematista ua vision d'ua identitat e cultura francesa miaçada contre enemics que la vòlen destrusir.
Tot aquò que neureish reflèxes d'aquesta traca.

  • 17
  • 0
Paul BORDEAUX
8.

#6 Mélenchon et la France insoumise complices !

  • 9
  • 1
Doblament Indignat
7.

#2 Me damne, un pauc de respièch, estalvia-nos ton ipocrisia de bordilha macronista !

  • 11
  • 0

Escriu un comentari sus aqueste article