Bandièra01 capçalera  1180x150: Novestivada

Actualitats

America del Nòrd: lo flume Wolastoq a recobrat son nom originari

Amb sos 673 quilomètres, lo flume atermena los Estats Units e Canadà. En 1604, l’exploraire francés Samuel de Champlain li donèt lo nom de Sant Joan

Tèxte legit

Lo flume Wolastoq, dins la província canadenca del Nòu Brunswick, a recobrat son nom originari, après una longa revendicacion de la nacion wolastoqey, çò rapòrta Ràdio Canadà.
 
Los representants del pòble wolastoqey depausèron una demanda oficiala al govèrn del Nòu Brunswick lo 26 de mai passat. La Societat de l’Acàdia del Nòu Brunswick (SANB) a sostengut la revendicacion: La toponimia utilizada per descriure nòstre environament fisic deu rebatre la realitat e l’exactitud istorica”, çò a dich lo president l’organisme, Alexandre Cédric Doucet.
 
Amb sos 673 quilomètres, lo flume Wokastoq es un dels pus longs de l’America del nòrd, e atermena los Estats Units e Canadà. En 1604, l’exploraire francés Samuel de Champlain li donèt lo nom de Sant Joan. Atal, lo flume s’es apelat oficialament “Saint John/Saint-Jean” fins ara. Mas en 1604 lo flume aviá ja son nom, que los abitants originaris an tostemps emplegat.
 
D’autres toponims an recobrat en Canadà lor nom originari, dins las iniciativas de reconciliacion amb las primièras nacions.

 

 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Mentretant, en Occitania La Sala contunha d'èsser nomenada oficialament Decazeville, un nom tipicament colonial.

  • 0
  • 0
Bodiu
1.

Vertat que per Occitània nos an tot emblat fins al mofil !

Aaaaah Wokastoq lo flume grand, linde e clar coma aiga fontal.

  • 5
  • 0

Escriu un comentari sus aqueste article