Bandièra01 1180x150: Comuna de Tolosa

Actualitats

Nimes: comença la 45a edicion de l’Universitat Occitana d’Estiu

Pendent tres jorns l’eveniment aculhirà d’obradors, de projeccions, de conferéncias, de taulas redondas, de seradas e d’espectacles a l’entorn de las relacions entre l’òme e los animals

Tèxte legit

Comença uèi a Nimes la 45a edicion de l’Universitat Occitana d’Estiu, un rendètz-vos estival a l’entorn de l’actualitat dels sabers, del debat d’idèas e del rencontre cultural. Jol tèma “Òme/ Animal: quinas evolucions dins las relacions?”, l’Ostal Diocesan de Nimes aculhirà d’obradors, de projeccions, de conferéncias, de taulas redondas... e las seradas comprendràn de teatre, de concèrts e lo dich “cabaret literari”.
 
De soslinhar la projeccion del filme L’Heure des Loups, de Marc Khanne e los concèrts del Duo Prima Vera e de Corne d’Aur’oc, la Totemiada e lo balèti a la votz de Canto Lou.
 
Ràdio Lenga d’Òc tendrà son platèl sus plaça e emetrà en directe. La còla de Tè Vé Òc farà de reportatges vidèo.
 
L’Universitat Occitana d’Estiu de Nimes es organizada per la Maison per l’Animacion e la Recèrca Populara d’Occitània (MARPÒC) que fa partida de l’IEO de Gard. Ten lo sosten de l’ÒPLO, de la comuna de Nimes e del departament de Gard.
 
Lo programa complet es sus la pagina d’acuèlh de la MARPÒC.

 
 
 
 




abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article