Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranPujòlo

Val d’Aran: se demanda de respècte pels animals après dos atacs de vacas

Aquò se passèt al Plan de Beret, ont es normal de trobar de vacas a pàisser en tota tranquillitat

| Rafel Miró

Tèxte legit

Lo Conselh General d’Aran demanda de precaucion e de respècte pels animals après que de toristas an raportat dos atacs de vacas al Plan de Beret, ont es normal de trobar de vacas a pàisser en tota tranquillitat. Lo primièr atac aguèt luòc en junh passat e la persona foguèt nafrada al torax, e dins lo segond, que se tenguèt la setmana passada, l’atacat lo deguèron evacuar en elicoptèr.
 
Segon lo conselhièr del territòri del govèrn d’Aran, Francés Bruna, las vacas aurián atacat a causa d’actituds incivicas e, doncas, afortís que lo mond devon seguir de mesuras de seguretat e prevencion fàcia als animals en montanha. Per exemple, cal pas portar de sacas blancas, que las confondrián las vacas amb las sacas de sal que las pòrtan los elevaires per las noirir. Tanpauc lor cal pas prene de fòtos de tròp près ni mai se sarrar tròp de las bèstias car se pòdon sentir menaçadas.
 
Un dels afectats assegurava a Catalonha Ràdio que las vacas avián començat de córrer devèrs eles en cargant sens qu’aguèsson comesa cap d’imprudéncia.
 
De son caire, lo president de l’associacion dels elevaires de vacas d’Aran, Antonio Ané, ditz que caldriá plaçar d’afichas informativas per que los passejaires prenguèsson consciéncia del problèma, çò rapòrta la Television de Catalonha.
 
A mai, los agents rurals exigisson que los toristas que passejan estaquen lors cans dins los airals d’elevatge.



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

MOSCA CANHISCA
19.

#16 Òh ! vos ? Qu'ètz incapable d'aver ua opinion sus quin subjècte que sia qui non sia la lenga nosta, lavetz...

  • 0
  • 1
Nas de Guit
18.

#17
Qu'èm ua geztartup nacion benlèu ?

  • 2
  • 0
Amīcus Emmanuelis Macrōnis Cīvitās Erōtica Sēnsuālitātis
17.

#15 Mas sèm umans donc avèm totes los dreches e sèm mai important (civilisacion, ciutats, etc) que non pas los orses e los animals salvatges enemics del progrès.

  • 1
  • 2
Nas de Guit
16.

#15
Joan Peiroton que pensatz çò medish de nosautes. N'avetz pas vergonha ?

  • 2
  • 0
MOSCA CANHISCA
15.

#14 L'ors que pensa çò de medish de nosautes.

  • 1
  • 4

Escriu un comentari sus aqueste article