Actualitats
Paul Molac a prepaus del rapòrt Kerlogot-Euzet: “Blanquer deu èsser satisfach”
Tèxte legit
Los deputats Yannick Kerlogot e Christophe Euzet an remés lor rapòrt al primèr ministre de França, Jean Castex. Raportàvem ièr dins Jornalet que dins aquel rapòrt una contribucion del cercaire Gwenole Larvol metiá en question l’afirmacion del ministre de l’educacion Jean-Michel Blanquer segon la quala “l’ensenhament amb paritat orària seriá mai benefic als escolans que l’immersion”. Uèi, assabentam de la reaccion del deputat breton Paul Molac, fargaire de la lei de promocion de las lengas autoctònas de l’estat francés, dichas regionalas, que lo Conselh Constitucional a censurat.
A l’endeman de la presentacion del rapòrt dels deputats Yannick Kerlogot e Christophe Euzet, remés al primièr ministre francés, Jean Castex, Paul Molac ditz que compren pas que los deputats frenen sus aquesta question e que considèren qu’es impossibla, çò rapòrta France 3.
“Lo Senat es pr’aquò ben estat a l’iniciativa de l’article sus l’ensenhament per immersion. A ieu m’inquieta que lo rapòrt convide los rets d’ensenhament a modificar lor pedagogia e lors convencions: eles demandan sonque de poder far perdurar lors metòdes que foncionen e donen de resultats, e mai s’aquò agrada pas al ministre Blanquer.”
En mai d’aquò, Molac assegura que Blanquer deu “èsser satisfach que las proposicions d’aquel rapòrt anen dins son sens amb la creacion d’un «conselh nacional de l’ensenhament de las lengas regionalas», jos son autoritat, per tal que la nauta administracion aja l’ample sus aquela question.”
De son latz, Diwan denóncia una volontat de “nos metre dins lo quadre”, çò rapòrta Ouest France.
Una presentacion estranha de la lenga nòstra
Apondam qu’aquel rapòrt separa l'occitan, d’un caire, del gascon, del provençal, del niçard e del lengadocian dins la presentacion dels efectius d'escolans dins lo primari, e d'autre caire del provençal e del niçard dins la presentacion dels efectius dins lo segondari. Per l’ensenhament immersiu, ça que la, la lenga nòstra es considerada del biais unitari legal.
Les propositions contenues dans le rapport rendu hier au Premier Ministre et au Ministre de l'Education par mes collègues Y. Kerlogot et C. Euzet ne me rassurent pas. Elles m'inquiètent. Gageons que le PM entende enfin les craintes des associations... #languesregionalespic.twitter.com/7bYp35RpoF
— Paul Molac (@Paul_Molac) July 22, 2021
Langue bretonne. Diwan dénonce « une volonté de nous mettre dans le cadre » https://t.co/mEXEhtOs7g
— philippon (@philipponkemper) July 22, 2021
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Efectivament la paritat oraria en l'educacion es lo que tots voliem e volem. Perquè o a dit, doncas envant e satisfar lo ministre. Paratge.
#2 Apòrti de la sensualitat en la zòna comentaris, ieu, e vos, de qué fasètz per la lenga nòstra ?
#1 Escotatz, lo men òmi, que disen, en francés, que las badinarias mei cortas que son las mei bonas. Que'vs conselhi -que'vs demandi- de préner un aute pseudonime e d'exprimir las vòstas opinions, au lòc de jogar aqueth ròtle qui vs'avetz e qui vs'an atribuit e qui n'apòrta pas arren a la zòna comentaris de Jornalet.
D'unes dison "Macron, demission !"
Ieu disi "Macron, masturbacion!"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari