De mai en mai, lo sistèma binari òme/femna es mes en question per la possibla ambigüitat dels organs sexuals. Aquel fach, conegut coma non binari (queer-genre), ven d’èsser reconegut en Argentina. En mai de las mençons tradicionalas “M” e “F”, que definissián respectivament los sèxes masculin e femenin, las cartas d’identitat e los passapòrts comprendràn desenant una tresena categoria “X”, per las personas que s’identifican pas amb cap dels dos genres. L’estat francés refusèt en blòc aquela reconeissença en mai de 2017.
 
L’iniciativa s’es oficializada per mejan d’un decret e la presentèt, la setmana passada, lo president de centresquèrra Alberto Fernández, dins una ceremònia dins la quala remetèt los tres primièrs documents d’identitat a de personas qu’an causit l’opcion non binària. “Pauc a cha pauc fasèm venir possible tot çò que semblava impossible e cada jorn sèm mai près de l’ideal, qu’arribarà quand a degun li importarà lo genre de las gents”, çò diguèt.
 
La recèrca de l’identitat pròpria de cadun uèi lo jorn expliqua perqué i a de mond que se definisson coma òmes, coma femnas, d’un genre intermediari, o ben sens genre o amb un genre especial qu’a pas cap de caracteristica dels autres dos genres. Aquel tresen genre es a l’ora d’ara reconegut en Argentina, Austràlia, Bangladèsh, Califòrnia, Canadà, Índia, Nepal, e Nòva Zelanda, e als Païses Basses.
 
 

"Tenemos la necesidad de abrir la cabeza para darnos cuenta de que hay otras identidades que deben ser respetadas y que existieron siempre, solo que en otros tiempos se ocultaron". El presidente @alferdez en el anuncio de la puesta en marcha del DNI para personas no binarias. pic.twitter.com/juoxdOTL4x

— Alberto Fernández Prensa (@alferdezprensa) July 21, 2021