Bandièra01 1180x150: La Passem

Actualitats

EconomiaPoliticaSocietat
crotz-tolosaCreated with Sketch.Daufinat

Los espicultors de Daufinat se mobilizan

Una nòva reglamentacion europèa poiriá clavar lor activitat

| Alain Aubanel

Tèxte legit

Los espicultors de Daufinat se mobilizan per una nòva reglamentacion europèa que deu èsser votada en fin d’annada e que poiriá metre en perilh lor activitat, çò rapòrta France Bleu. Aquela reglamentacion poiriá classar los òlis essencials dels espics dins la categoria de “produches quimics” e se s’aprovèsse, lor vendriá impossible de comercializar lor produccion, mai que mai pertocant la cosmetica.
 
Per Alain Aubanel, president del sindicat de las plantas de perfum, aromaticas e medicinalas de França e productor d’espics en Vercòrs, es impossible d’avalorar los produches quimics e los òlis essencials del meteis biais. La reglamentacion vòl “que totas las moleculas sián analisadas abans d’èsser mesas sul mercat per verificar que son pas allergènas, cancerigènas o que son pas de perturbadors endocrinians. Mas lo problèma es que perpensan molecula per molecula, mentre que dins los òlis essencials d’espic, per exemple, i a mai de 600 moleculas! Mas refusan de considerar los òlis essencials coma una substància globala”, çò planh al micro de France Bleu.
 
La presidenta del departament de Droma, Marie-Pierre Mouton, a entendut los productors. “Sèm totalament solidaris dels productors, es una economia plan fòrta, aquí en Droma, amb 5000 ectaras cultivadas. Anam mobilizar los deputats europèus per los sensibilizar e ieu, vau anar sul terrenh”, çò a dich. De fach, lo departament compta almens 2000 productors e mai d’una seissantena d’entrepresas amb de centenas de salariats.
   


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
5.

Los camps plan grans de lavanda e plan polits de flaira perfumada.

  • 0
  • 0
Franc Bardòu
4.

Exemple tipic de pensada e d'accion (autoritària) tecnocraticas… La pensada ordoliberala europèa considèra, del biais de la sarkozalha, l'hollandalha e la marconalha, que lo pòble es tròp pèc que i entendre qué que siá e de decisions, estrictament teoricas e destacadas de la realitat umana, tomban d'amont coma granissa pel vinhal, d'un biais de mai en mai autoritari (ja qu'inadmissiblas), e de mai en mai dessenat (ja qu'irrealistas).

  • 23
  • 4
Amīcus Emmanuelis Macrōnis Cīvitās Erōtica Sēnsuālitātis
3.

Amb l'ajuda del President (Emmanuel Macron) l'economia e l'agricultura a la francesa se podrà relançar amb un plan plan planificat... es mon avejaire, aprèp cadun pòt veire las causas coma vòl. Los espicultors son fòrça important per l'avenir d'Occitània, e los defensaires de la lenga/cultura coma al govèrn saràn ben conscients d'aquel fach, se fasèm una letra obèrta.

  • 1
  • 30
Papioli
2.

Perqué suprimar tota una prouccion de plantas aromaticas coma las lavandas e pas solament. La realitat es d'interdire tota autra medecina que la medecina chimica. Si quò es pas una guerra mondiala, una guerra comerciala, me damanda que quò es.
La lavanda feria tanben concurença a la produccion d'opium dins lo monde coma en Agfgannistan gardada per de las fòrças armadas?
E ben, òc-es! gardarem la lavanda quite a mobilisar una armada per la far gardar.

  • 7
  • 2
Bodiu
1.

E òc las normas europencas son pas totjorn quicòm d’a de bon. Ja se pagan una parrabastada de mond qu’en fòra de lor burèu an pas jamai ren vist que nos vengan publicar normas sus de per tsemple la longor de las merinjanas, la color de cirèias e tot çò pus mai fòl e destimborlat que se posquèssa trobar. Es la granda mesa a plèc de l’uniformitat, cap de regomàs , vòli vèire, pas qu'un cap !

Plan segur an tota una artifalha de bringes polits per seduzir e embelinar lo mond, e atal jos l’aflat de l’esmoguda qu’an sabut far creisser, setz cruscats e recruscats.

« Lo que contraròla la paur del mond ven lo mestre de lors armas » Maquiavel

  • 5
  • 1

Escriu un comentari sus aqueste article