Actualitats
Montpelhièr: primièr maridatge omosexual de pastoras estagiàrias protestantas
Émeline Daudé e Agnès Kauffmann son vengudas dins l’estat francés las primièras pastoras lesbianas a se dire de òc
S’es tengut a Montpelhièr lo primièr maridatge omosexual de doas pastoras protestantas dins l’estat francés. La ceremònia se debanèt dissabte al temple protestant de Magalona; Émeline Daudé e Agnès Kauffmann son vengudas las primièras doas pastoras lesbianas a se dire de òc après qu’un sinòde a Seta en 2015 aprovèt la possibilitat de celebrar lo maridatge per totes al sen de la glèisa protestanta unida de França. L’església protestanta unida es la fusion de las ancianas glèisas reformada e luteriana francesas.
“I anem pauc a cha pauc, i a una dimension simbolica importanta”, çò a explicat a l’AFP lo pastor Jean-François Breyne, qu’a benesit l'union. De son latz, Agnès Kaufmann explica qu’an festejat lor union “coma un maridatge banal”, çò rapòrta France 24. “Las personas LGBT an besonh de veire d'autras personas LGBT engatjadas, comprés lo mitan de las religions", çò apond Émeline.
Las doas femnas, de 31 e 33 ans, son actualament “prepausantas”, çò es en estagi practic per venir oficialament pastoras après lors estudis teològics.
“I anem pauc a cha pauc, i a una dimension simbolica importanta”, çò a explicat a l’AFP lo pastor Jean-François Breyne, qu’a benesit l'union. De son latz, Agnès Kaufmann explica qu’an festejat lor union “coma un maridatge banal”, çò rapòrta France 24. “Las personas LGBT an besonh de veire d'autras personas LGBT engatjadas, comprés lo mitan de las religions", çò apond Émeline.
Las doas femnas, de 31 e 33 ans, son actualament “prepausantas”, çò es en estagi practic per venir oficialament pastoras après lors estudis teològics.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mas pas en Oc ?
Adiu.
L'impausicion de mans es una practica coranta dins l'Epudf.
Per los novels membres del conselh presbytéral...los que fan la confirmacion....
E pel maridatge.
Subre lo document fotografica, quicòm me parla : lo pastre celebrant practicar l'impausicion de las mans, coma los catars per transmetre lo fòc de Pentacòstas — o Sant Esperit. Qualqu'un sap s'aquò se practica a cada maridatge protestant en general, o sonque dins unes corrents de la comunautat ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari