Actualitats
La vila de Niça, Vichèi e lo far de Cordoan venon patrimòni mondial de l’UNÈSCO
Se reconeis la “valor universala excepcionala” dels tres sits, situats als extèms oriental, septentrional e occidental d’Occitània
Tèxte legit
Niça, Vichèi e lo far de Cordoan son intrats oficialament dins la lista dels sits del patrimòni mondial de l’UNÈSCO. Dimars 27 de julhet, s’amassèron en China los representants dels 21 païses membres del comitat e reconeguèron la “valor universala excepcionala” de la capitala niçarda e de son eiretatge arquitectural, païsatgièr e urbanistic. D’aquel temps, reconeissián tanben un monument que se tròba a l’autre extrèm d’Occitània, davant l’estuari de Gironda: lo far de Cordoan dich lo Rei dels Fars o lo Far dels Reis. Lo 24 de julhet, avián ja inscrich al patrimòni mondial la candidatura d’onze grandas vilas d’aiga d’Euròpa, dont Vichèi, dins lo nòrd d’Occitània.
Vila de torisme aristocrata
A Niça, dempuèi lo sègle XVIII, de familhas artistocraticas, mai que mai britanicas, se passejan sul Camin dels Angleses. Es lo clima doç e la beutat de son emplaçament al pè dels Alps qu’an rendut la vila atractiva a sirs e lords. En 1823 se desvolopèt un plan urbanistic perplan aprofechar tot aquel potencial. Es atal que la vila es intrada dins la lista de l’UNÈSCO amb sos palaisses, sos palmièrs, sas glèisas russas , sas ostalariás, son art dèco, sos casinòs...
Lo Rei dels Fars
A l’extrèm occidental d’Occitània, situat a sèt quilomètres en mar sul platèl de Cordoan, a l’embocadora de l’estuari de Gironda, se tròba lo far de Cordoan. Bastit entre 1584 a 1611, es lo far pus ancian del país encara en foncionament.
Creat per l’engenhaire Louis de Foix, lo far es un cap d’òbra de la senhalizacion maritima e plan representatiu de l’istòria arquitecturala dels fars.
La mai granda vila d’aiga del país
Dins lo nòrd del país, la vila de Vichèi èra ja, dins lo territòri estatal, la mai prestigiosa e la mai celèbra de las vilas d’aiga: dempuèi l’epòca romana s’emplega sas aigas per lors vertuts terapeuticas, e l’emperaire Napoleon III transformèt prigondament son arquitectura segon los principis d’Haussmann. Ara, entre onze grandas vilas d’aiga d’Euròpa, Vichèi obten a l’UNÈSCO una reconeissença especiala.
Delà los tres sits occitans, l’organizacion a anonciat l’inscripcion de las 36 candidaturas culturalas e naturalas nòvas d’Asia, d’Africa, de l’America latina e d’Euròpa, que correspondián a las candidaturas de 2020 e 2021. En consequéncia, la lista compren ara 1149 sits que desenant seràn protegits per aquela institucion especializada de l’ÒNU.
Ça que la, qualques sits son estats eliminats d’aquela lista, coma la vila de Liverpool (Anglatèrra), la val d’Èlba e lo santuari de l’orix arabi (Oman).
Vila de torisme aristocrata
A Niça, dempuèi lo sègle XVIII, de familhas artistocraticas, mai que mai britanicas, se passejan sul Camin dels Angleses. Es lo clima doç e la beutat de son emplaçament al pè dels Alps qu’an rendut la vila atractiva a sirs e lords. En 1823 se desvolopèt un plan urbanistic perplan aprofechar tot aquel potencial. Es atal que la vila es intrada dins la lista de l’UNÈSCO amb sos palaisses, sos palmièrs, sas glèisas russas , sas ostalariás, son art dèco, sos casinòs...
Lo Rei dels Fars
A l’extrèm occidental d’Occitània, situat a sèt quilomètres en mar sul platèl de Cordoan, a l’embocadora de l’estuari de Gironda, se tròba lo far de Cordoan. Bastit entre 1584 a 1611, es lo far pus ancian del país encara en foncionament.
Creat per l’engenhaire Louis de Foix, lo far es un cap d’òbra de la senhalizacion maritima e plan representatiu de l’istòria arquitecturala dels fars.
La mai granda vila d’aiga del país
Dins lo nòrd del país, la vila de Vichèi èra ja, dins lo territòri estatal, la mai prestigiosa e la mai celèbra de las vilas d’aiga: dempuèi l’epòca romana s’emplega sas aigas per lors vertuts terapeuticas, e l’emperaire Napoleon III transformèt prigondament son arquitectura segon los principis d’Haussmann. Ara, entre onze grandas vilas d’aiga d’Euròpa, Vichèi obten a l’UNÈSCO una reconeissença especiala.
Delà los tres sits occitans, l’organizacion a anonciat l’inscripcion de las 36 candidaturas culturalas e naturalas nòvas d’Asia, d’Africa, de l’America latina e d’Euròpa, que correspondián a las candidaturas de 2020 e 2021. En consequéncia, la lista compren ara 1149 sits que desenant seràn protegits per aquela institucion especializada de l’ÒNU.
Ça que la, qualques sits son estats eliminats d’aquela lista, coma la vila de Liverpool (Anglatèrra), la val d’Èlba e lo santuari de l’orix arabi (Oman).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Niça la bela amb sa identitat prigonda e sa fonetica trobadoresca. Una maravelha.
L' esculpit far de l'estuari de Gironad. Ai Gironda quanta belesa alà s'i troba.
E Vichèi va plan amb sas aigas dels Alps del temps dels romans, amb sa polida musica.
#3 Maina-te puslèu del vièch de ton Macroconàs e daissa-nos quiets.
Luòga de contunhar a far rire lo demai de la planèta amb sas classejadas fantasierosas e derisòrias al tras que pompós "patrimòni mondial de l'umanitat" dels Causses, de la baguèta de pan, de la val de Lèira, de la bolhabaissa o dau french-kiss, aquela UNESCO devria s'entrevar d'i apondre enfin la lenga occitana abans qu'aja definitivament e completament crebat.
*Vichèi > vièch*
A la fin, i aurà pas que mon ostal que serà pas patrimòni de l'Umanitat. Me caldrà amagar de la vergonha, pecaire !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari