Bandièra01 1180x150: Comuna de Tolosa

Actualitats

Nòva Zelanda: Jacinda Ardern demanda perdon pels Dawn Raids

Aquelas perquisicions antimigrants dels ans 1970 miravan pas sonque las personas originàrias de las illas del Pacific

| @meghamohan

Tèxte legit

La primièra ministra de la Nòva Zelanda, Jacinda Ardern, demandèt perdon dimenge passat als abitants de las illas del Pacific que foguèron victimas, dins los ans 1970, dels nomenats Dawn Raids (perquisicions de l’alba); d’operacions de la polícia, sovent acompanhada de cans, qu’arrestavan e expulsavan las personas que lors visats de trabalh avián expirat. Cal dire que las perquisicions miravan pas sonque las personas originàrias de las illas del Pacific. Los estatsunidencs e britanics que demoravan al país representavan un tèrç de las personas en situacion illegala mas solament lo 5% de las perseguidas.
 
En nom del govèrn de la Nòva Zelanda, Ardern demandèt “formalament e sens resèrvas excusa a las comunautats del Pacific per l’aplicacion discriminatòria de las leis d’immigracion dels ans 1970”, çò diguèt davant qualques centenats de personas. “Lo govèrn exprimís son pentiment, son remòrs e sa pena per çò que produguèron los Dawn Raids e los contraròtles policièrs aleatòris”, çò apondèt en tot precisar que se tractava per ela “d’accions inapropriadas”.
 
Dins aquel sens, Ardern anoncièt que son govèrn finançariá amb 2,1 milions de dolars neozelandeses (aperaquí 1,25 milion d’èuros) de borsas d’estudis de formacion pels joves de Samoa, Fiji, Tuvalu de e las autras comunautats afectadas.

 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article