CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Dijòus, 7 de febrièr de 2013, 03h00 Politica,Lenga

Lo posicionament de Vincent Peillon a prepaus de las lengas minorizadas

Lo ministre de l’educacion se prononcièt sus las lengas mal nomenadas regionalas dins la session de questions al govèrn, a l’Assemblada Nacionala francesa


Comentaris 3 comentaris    
Marrit Flac Bon Plan bon Fabulós (8 vòtes)
carregant En cargar


Lo ministre de l’Educacion, Vincent Peillon, foguèt interpelat a prepaus de l’abséncia de mençon de las lengas “regionalas” dins lo projècte de lei sus la refondacion de l’escòla publica, en lo moment de la session de questions al govèrn del dimars 29 de genièr, a l’Assemblada Nacionala francesa. En sa responsa, lo ministre anoncièt sas “tres orientacions” en relacion amb las lengas mal nomenadas regionalas.


Parti Socaliste





Àudios
Etiquetas
lei peillon, lengas, molac, navaro, peillon

Coma maitas associacions de tot l’estat, lo deputat ecologista Paul Molac se declarèt “estonat e inquiet” de verificar qu’existís pas cap de mençon de las lengas mal nomenadas regionalas dins lo projècte de lei. E mai se l’ensenhament d’aquelas lengas tòca aperaquí 300 000 escolans, “los sondatges mòstran que los franceses i son de mai en mai ligats, amb de percentatges que passan dins cèrtas regions 80%, e quitament 90% de sosten,” çò soslinhèt Molac.
 
Lo deputat planguèt tanplan que las responsas dels conselhièrs del ministre a las questions escrichas sus aquel afar èran “exactament las meteissas que jos los govèrns precedents”. La volontat del president francés de far ratificar la Carta Europèa de las Lengas Regionalas o Minorizadas deuriá incitar lo ministèri a non tractar la question de l’ensenhament de las lengas “a la leugièra”, çò apondèt lo deputat ecologista.
 
“Tota abséncia dins vòstre projècte de lei serà emplegada per fragilizar l’ensenhament de las lengas regionalas e n’empedir tot desvolopament”, çò soslinhèt.
 
Dins sa responsa, Vincent Peillon soslinhèt la “continuitat” en l’accion del govèrn “entre la lei Jospin de 1989, que reconeis lo besonh d’ensenhar aquelas lengas regionalas ailà ont son demandadas e practicadas, e la lei Fillon de 2005”, e tanben la reconeissença de las lengas “regionalas” per l’article 75-1 de la Constitucion e l’aumentacion (de 24% entre 2009-2010 e 2011-2012) del nombre d’escolans “que se son engatjats en la practica de las lengas regionalas”.
 
“Seriá doncas curiós de voler far uèi d’aquel afar un afar de dificultat entre nosautres”, çò respondèt Peillon abans d’anonciar sas “tres orientacions” en matèria de lengas mal nomenadas “regionalas”.
 
En primièr luòc, lo ministre se diguèt “prèst a çò que las convencions entre l’Estat e las regions, que permeton de tractar aqueles afars, sián estendudas”. Puèi, “es cèrtas important que la carta de las lengas regionalas siá ratificada, en sabent que i aurà de consequéncias, benlèu legislativas, de prene en compte”. Fin finala, “es absoludament necessari […] que lo debat aja luòc plenament quand se dobrirà al mes de març aquel sus la lei d’orientacion”.
 
Lo ministre acabèt en disent que “se podèm avançar dins lo sens de la practica de las lengas regionalas, portada per l’ensemble de la nacion [en se referissent a l’estat] e reconeguda per la nòstra constitucion, alavetz avançem!”
 
Per contra, dins un article publicat  lo 31 de genièr passat, lo senator PS del departament occitan d’Erau, Robert Navarro, disiá que l’“oblit” de las lengas “regionalas” dins lo projècte de lei sus la refondacion de l’escòla “va donar luòc a una batalha parlamentària qu’auriá degut èsser evitada” e soslinhèt que “las lengas regionalas son pas mai una menaça per la Republica”.
 
Navarro disiá tanplan que de “non citar las lengas regionalas seriá las exclure de fach, e aital condemnar lor ensenhament dins las acadèmias ont es mal o ges estimat”.
 
“Coneissi plan Vincent Peillon, èrem eurodeputats amassa. A de qualitats nombrosas, mas a una lacuna: sa vision de França es excessivament parisenca, un París que sas frontièras se limitan a Saint-Germain-des-Prés. Las lengas regionalas, las fest-noz, la corrida, los mercats de Nadal, la caça del senglar, la pilòta basca e las corsas camarguencas son, a sos uèlhs, de folclòres passadistas, d’obstacles a la modernitat,” çò apondèt lo senator occitan.



publicitat
BANER1-2-3: DGPL DICTADES



Comentaris

10 de febrièr 22.30h

Cresetz pas que tot aquò reverta las enganas costumièras ? .... A Paris son totes a ganhar de temps que sabon plan que lo temps lor donarà ( e lor dona) rason!!!! A nosautres de pas se daissar enganar... Ren a l'ora d'ara mòstra un cambiament d'atituda, ren se non, las promessas costumièras de drecha coma d'esquèrra...( parli dels partits de governament e quitament de qualques autres...). Coma se ditz : las promessas rendon las colhas....... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

8 de febrièr 11.33h

Sabi pas se "las lengas regionalas son pas mai una menaça per la Republica" mas çò que sabi ieu, es qu'una republica que se vòl obtinadament e exclusivament francesa es e demorarà una menaça per las lengas basca, catalana, occitana, corsega, arpitana, bretona, flamenca e alzaciana. Segur, l'occitan es pas una menaça per la republica, estant qu'Occitania es mai republicana que França. Per contra, França, en respectar escrupulosament l'exigéncia de gestion financiarista impausada pels l... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

7 de febrièr 19.41h

"Se podèm avançar dins lo sens de la practica de las lengas regionalas, portada per l’ensemble de la nacion [en se referissent a l’estat] e reconeguda per la nòstra constitucion, alavetz avançem!", mes a la session qui vien, que i a quate (4 !) pòstes au CAPES d'occitan, exactament com a la session de l'an passat. Ne volem pas paraulas, mes actes.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 18
  • sol Aush 17
  • sol Bordèu 19
  • sol Briançon 16
  • sol Caors 17
  • sol Carcassona 16
  • sol Clarmont-Ferrand 17
  • sol Confolent 16
  • sol Gap 16
  • sol La Canau 20
  • sol La Gàrdia 17
  • sol Limòtges 18
  • sol Lo Borg Sant Dalmatz 19
  • sol Lo Puèi de Velai 16
  • sol Marselha 19
  • sol Montpelhièr 18
  • sol Naut Aran 16
  • sol Niça 20
  • sol Nimes 18
  • sol Pau 18
  • sol Peireguers 17
  • sol Rodés 19
  • sol Tolon 20
  • sol Tolosa 17
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Celèsta Toion

    La plaja espaci de libertat? D'expression?

  • Restauracion de las arenas de Frejús (Esterèu) ©Laurenç Revèst

    Restauracion de las arenas de Frejús (Esterèu)

  • © Miquèu Barís

    Los calandrons d'Auloron qu'an visitat Baiona

  • © Laurenç Revèst

    Castelar

  • Asuèlhs comengeses. © Franc Bardòu

    Asuèlhs Comengeses

  • Carnaval de Limós. © Franc Bardòu

    Carnaval de Limós 2013

  • Fòto de Pascau Sebat

    Cauma generau, Tolosa 5 de febrièr de 2018

  • © Franc Bardòu

    Catalonha etèrna

  • Bersorèlh : quartiers e maions ai noms occitans

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Asuèlhs Bigordans

  • © Franc Bardòu

    Coserans al còr

  • © Iñaki Delaurens

    Val d'Aran

  • © Conselh Generau d'Aran

    Lo Torn de França 2016 en Aran

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Fòrt Maginòt de Sant Anhe

  • Valadas. © Xavi Gutiérrez Riu

    Valadas

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)