Bandièra01 1180x150: País Invisible

Actualitats

Cabilia: almens 69 mòrts pels incendis

La calorada excepcionala e mai lo fòrt vent e la secada an creat un infèrn ont l’accès als airals de montanha es complicat

Tèxte legit

Almens 69 personas son mòrtas en Cabilia a causa de la cinquantena d’incendis que crèman lo país nòrd-african. Demest las victimas se tròban 28 soldats qu’ajudavan los pompièrs dins lor prètzfach d’escantiment. L’estat argerian a mobilizat mai de 600 agents de la proteccion civila per combatre lo fuòc.
 
Los incendis aquí son frequents. Arunan, lo fuòc devastèt aperaquí 44 000 ectaras de bòsques. Ongan, totun, la calorada excepcionala e mai lo fòrt vent e la secada an portat un infèrn. L’accès als airals de montanha es complicat. De centenats d’abitants son estats evacuats e aculhits dins d'ostalariás e salas de las fèstas de la region.
 
“Amb granda tristor e sofrença me soi assabentat de la mòrt de 25 membres de l'Armada Nacionala Populara après que capitèron a salvar mai d'un centenat de ciutadans de las flamas dins las montanhas de Bejaia e de Tizi Wezzu", çò disiá dimars sus Twitter lo president de la Republica, Abdelmadjid Tebboune en planhent lo dòl de las familhas.



 


 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article