L’associacion Òc-Bi Aquitània cèrca una persona per trabalhar dins la region de la Nòva Aquitània pel desvolopament de classas bilinguas francés-occitan dins l’educacion publica. Se prepausa un contracte de durada illimitada (CDI) de 35 oras per setmana e un salari d’aperaquí 1500 èuros per mes. Vejatz la definicion de la foncion e mai d’informacions sul document: ofèrta-emplec_ocbi_ 2021 - der.pdf.
 
Las missions del pòst seràn, segon lo plan d'accions decidit amb lo burèu de l'associacion,   de prene de contactes e seguir las escòlas bilinguas e las associacions localas, far la promocion e desvolopar la coneissença de l'ensenhament bilingüe francés-occitan al près o dels parents de mainatges,  o dels elegits de las comunas, comunautats de comunas, dels conselhs departamentals,  o dels organismes e associacions del mitan escolar e cultural.
 
Las competéncias requeridas pel pòst son una formacion Bac+2 completada de realas qualitats d’organizacion e de gestion de projèctes, de qualitats relacionalas e facilitats oralas en francés e en occitan. D’occitan se requeris lo nivèl C1 o C2 del Quadre Europèu Comun de Referéncia per las Lengas e mai una bona coneissença de sa cultura. Tanben es requerit de mestrejar la burotica e los rets socials.
 
Lo departament e la vila d’emplec se veiràn segon lo domicili de l’emplegat o l’emplegada. Los candidats an d’escriure a martine.ralu@orange... abans lo 5 de setembre.
 
Òc-Bi es una associacion de parents d’escolans que fan la promocion de l’occitan dins l’ensenhament public.