Bandièra01 capçalera  1180x150: Novestivada

Actualitats

Sardenha: coma cada estiu tornan los panaires de sable

Maites toristas se pòdon pas empachar de n’emportar coma “sovenir” malgrat la campanha d’informacion publica e las emendas de fins a 3000 èuros

La plaja de Chia
La plaja de Chia | Sardegna Rubata e Depredata

Tèxte legit

A un parelh de toristas italians an impausat una multa de 1000 èuros en Sardenha per aver volgut emportar una botelha de plastic plena de sable d’una plaja de Crabas, près d’Aristanis. La polícia los atrapèt gràcias a la telefonada d’un passejaire qu’o aviá vist, çò rapòrta The Guardian, que precisa que los malfactors avián amagat la botelha jos la toalheta en ensajant de mentir als agents.
 
Lo sable de las plajas es considerat coma un ben comun d’utilitat publica e ne levar implica d’emendas de fins a 3000 èuros. Tanben es considerat coma un delicte dins l’estat francés. En Sardenha, es un delicte sovent comés pels toristas, mai que mai del nòrd d’Euròpa, que ne sèrvan coma sovenir, n’emplegan per lors aqüaris o ne vendon dins de botelhas etiquetadas amb lo nom de las plajas d’origina.
 
En junh passat, detectèron a l’aeropòrt de Casteddu Su Masu una trentena de toristas que portavan de botelhas plenas de sable, de pèiras e de cauquilhas.
 
En 2019, la polícia arrestèt dos toristas franceses qu’avián prelevat 40 kg de sable abans de tornar en França. Lo parelh, quand èran a mand de pojar dins lo fèrri per anar a Tolon amb lor veitura, l’arrestèt la polícia doanièra e financièra italiana, que descobriguèt catòrze botelhas de plastic totas plenas de sable qu’avián tirat de la plaja de Chia. Diguèron que s’agissiá d’un “sovenir” e qu’avián pas agut l’intencion de cometre una infraccion.
 
 






 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article