Bandièra01 1180x150: Comuna de Tolosa

Actualitats

Joséphine Baker serà al Panteon de París

Dançaira, actritz e vedeta, foguèt membre de la resisténcia francesa, francmaçona e activista antiracista

| Fotograaf Onbekend / Anefo

Tèxte legit

Aqueste 30 de novembre intrarà al Panteon de París l’actritz e dançaira Joséphine Baker, que repausa a Mónegue. Serà la seisena femna e la primièra femna negra qu’intrarà dins aquel monument de París qu’aculhís las rèstas dels personatges restacats a l’istòria de França. Mas lo còrs de Baker i serà pas fisicament; demorarà a Mónegue, ont l’enterrèron en 1975, del temps qu’al Panteon de París i aurà un monument funerari e una placa.
 
Nascuda a Saint Louis (Missori) en 1906 coma Freda Josephine McDonald, Joséphine Baker foguèt una cantadora, dançaira, actritz e vedeta de tria, membre de la resisténcia francesa, francmaçona e activista antiracista. Sostenguèt activament lo movement pels dreches civils de Martin Luther King. Sa carrièra se desvolopèt mai que mai a París ont obtenguèt lo ciutadanatge francés. Foguèt la primièra femna negra a venir protagonista d’un filme important, La Sirène des tropiques (1927), realizat per Mario Nalpas e Henri Étiévant.
 
Dins un comunicat, l’Elisi assegura que Baker "foguèt de totes los combats que recampan los ciutadans de bona volontat, en França e pel Mond”. De son latz, lo president francés, Emmanuel Macron, a escrich suls rets socials que "Baker portèt plan naut la devisa de la Republica Francesa".
 
 
La seisena femna
 
Demest las 80 personalitats qu’aculhís lo Panteon parisenc, i a sonque 5 femnas. Baker ne serà la seisena al costat de Sophie Berthelot, Marie Curie, Germaine Tillion, Geneviève de Gaulle-Anthonioz e Simone Veil, mòrta fa quatre ans. De soslinhar que demest las nominacions del president François Hollande en 2014, Olympe de Gouges foguèt pas admesa al Panteon.

 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article