Actualitats
Ochena dimenjada de protèstas contra lo passador sanitari
Lo govèrn a decidit que los provaments PCR seràn pas pus gratuits a partir d’octòbre, çò que fa venir complicat d’aver un passador covid sens èsser vaccinat
Tèxte legit
Ochena dimenjada de protèstas per tot l’estat francés contra lo passador sanitari e la vaccinacion obligatòria del personal sanitari. De centenats de milièrs de personas (140 000 segon de donadas oficialas) marchèron per las carrièras de mai de 150 vilas contra la mesura anonciada pel president, Emmanuel Macron, e validada pel Conselh Constitucional.
Suls imatges que los quites manifestants an publicat suls rets socials, podèm veire que se protèsta contra “la dictatura sanitària” del temps que revendican la “libertat” e la “resisténcia” al govèrn francés.
Dempuèi lo 9 d’agost es obligatòri, dins tot l’estat francés, de presentar un certificat de vaccinacion completa o un provament negatiu de covid-19 de mens de 72h per intrar dins los cafès o restaurants e tanben pels viatges longs en tren, autobús o avion. A mai, lo govèrn a decidit que los tèstes PCR seràn pas pus gratuits a partir d’octòbre, de sorta qu’es mai limitada la possibilitat d’aver un passador covid sens èsser vaccinat.
Suls imatges que los quites manifestants an publicat suls rets socials, podèm veire que se protèsta contra “la dictatura sanitària” del temps que revendican la “libertat” e la “resisténcia” al govèrn francés.
Dempuèi lo 9 d’agost es obligatòri, dins tot l’estat francés, de presentar un certificat de vaccinacion completa o un provament negatiu de covid-19 de mens de 72h per intrar dins los cafès o restaurants e tanben pels viatges longs en tren, autobús o avion. A mai, lo govèrn a decidit que los tèstes PCR seràn pas pus gratuits a partir d’octòbre, de sorta qu’es mai limitada la possibilitat d’aver un passador covid sens èsser vaccinat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Çò que fa páur a d'unes, cresi compréner, es lo quite dispositiu tecnic d'indexacion d'una partida de la populacion.
Imaginatz, un fiquièr policièr de "pensada condreita" (es a dire "jutjada tala per un govèrnament, quin que siá") amb un còdi QR associat, que vos daissarà, tant aisidament coma aicí, la possibilitat o non d'integrar tot o partida de la vida sociala (accès a la medecina, a l'educacion, a l'alimentacion, per exemple) ? Un govèrnament coma lo de l'autra rasclanha de Franco se seriá delectat d'un dispositiu tecnic coma lo passa sanitari. Auriá simplament precisit "passa sanitari mental" o "ideologic", e basta… Totes los que se serián un còp èra (e mai, plan segur, fins alara) "compromés" amb d'idèas progressistas se seriá aitanlèu retrobats rebutats en fòra de la societat…
E, a la reflexion, de passas "mentals" aital, nosautres, ne coneissèm un despuèi bèl brieu : avètz assajat d'accedir a totas las comoditats de servicis publics (e mai privats) en occitan mailèu qu'en francés ? E aquí cap de besonh d'un fotut còdi QR.
#1 ....Repapioladas....un còp de mai....
#1 Faissista !
150 000manifestants solament alaidonc que sur los rets sociaux l'òm parla de plusors millions de manifestants? I a longtemps qu'avian pas vist una tala unanimitat dins mai de 150 vilas.
Es curios que Jornalet ai pas trobat dins aqueus manifestants daus occitans e mesme daus occitanistes.
La dictatura , pas solament sanitaria, se bòta en plaça. Avem acceptat la tecnologia que sert, uei a nos survelhar.
Avem acceptat lo libre-echange que se vira contre l'economia de l'estat frances
Avem accepat l'abrutissament mediatic, qu'endort nòstres concitoiens.
Avem acceptat la corupcion e qu'es ela, aura, que mena la dansa..
Se pòd que la dictatura siaja facha per durar. Se pòd qu'aquela crisa siaja lo far-veire de totas las taras dau sistem e alaidonsc la populacion podra trobar la fòrça de las far decanilhar.
D'aqui, l'idéia de pas demorar dins lo juòc dau governament e partit politic, de pas laissar accusar una partida de la populacion contre una autra, de pas cedar a la provocacion dau governament,, se mesfiar de las opausicions controladas, se rapelar que lo governament a totjorn una lonjor d'avança sur lo pòple.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari