Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCostiera de Nimes

Las personas solas poiràn pas intrar a las Arenas de Nimes

La comuna de la vila ensaja d’evitar aital la darrièra seguida de suicidis que se i son debanats darrièrament

| tpholland
L’intrada de las Arenas de Nimes es enebida a tota persona non acompanhada dempuèi lo 29 de genièr passat, segon un decret del cònsol de la vila. Aital reagís a la seguida de suicidis que se i son debanats pendent las darrièras setmanas. En quatre meses, cinc personas an sautat del naut de las Arenas sus la via publica, sonque una gojata subrevisquèt e es venguda paraplegica. Totas las victimas avián entre vint e trenta ans.
 
“Aquela onda de suicidis es fòrça inquietanta, una mesura d’urgéncia s’impausava”, çò expliquèt la comuna. “Lo decret pertòca una part infima dels vesitaires perque normalament venon en grop, mas nos nos caliá agir, tant per prevenir los risques coma per preservar lo personal de las Arenas, fòrça espantat, e la populacion. Qualques enfants an vist aqueles còrses s’esclafar dins la carrièra, es dramatic…”
 
Los servicis municipals trabalhan plan per s’explicar aquela “recrudescéncia”. E mai se los risques i son totjorn presents, dins lo monuments nauts, pauc d’accidents s’èran passats fins ara; en dètz ans sonque i aguèt dos suicidis.
 
Lo decret non mençona la data que se levarà l’enebiment, mas la comuna considèra de lo suspendre pendent los espectacles, que començaràn la prima que ven, e de lo manténer pendent las vesitas istoricas.
 
Lo personal de las Arenas a demandat d’acompanhament psicologic al servici medical del trabalh.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

PESSAMESSA SIVERGA 84400
1.

aquelei suicidis de jovents enaut dei monuments istorics mostran ben l'estupiditat dei comentaris dins lei medias motoniers quora incriminan l'EDF o francetelecom dins lo suicidi d'un de seis emplegats: lei cadéncias infedrnalas, lo capitalisme, lo papa que ven de desmessionar, que sabi.. lei meteis mediàs li importa gaire se un cap d'entrepresa, un païsanàs o un policier mete fin a sei jorns. fan pas partida dei gents qu'a priori devon éstre planhuts. per ben aplicar lo principi de precaucion que nos an marcat dins la constitucion, faudriá d'alhors que totei lei monuments que son pas a plan-pè de la carriera que li permeton pas de lei visitar

  • 1
  • 1

Escriu un comentari sus aqueste article