Actualitats
IId concors d’escritura Pèire Brayac
La segonda edicion del concors literari de l’associacion Aquí l’Òc es consagrada a la poesia e s’adreiça als escolans e als adultes de tota Occitània
Tèxte legit
L’associacion Aquí l’Òc organiza un concors d’escritura en occitan dobèrt a totes en 4 categorias: elementàrias, collegians, liceans e adultes. Lo genre literari causit aquesta annada es la poesia, amb de poèmas que poiràn èsser redigits en grops o individualament. La jurada serà compausada d’ensenhaires e escrivans dels departaments d’Òlt e Corresa.
Los formularis d’inscripcion e lo reglament los cal trobar sul sit www.espacioccitancarcinol.com, los cal completar e mandar per e-mail abans lo 22 d’octòbre 2021. Los poèmas, escriches individualament o collectivament, los caldrà mandar abans lo 18 de febrièr de 2022. La remesa dels prèmis aurà luòc al començament de junh a l’Espaci Occitan Carcinòl, a Sant Seren (Limarga).
Aquí l’Òc es una associacion que son sèti es a Sant Seren (Limarga) e que sa tòca es de promòure e desvolopar la lenga e la cultura occitanas dins lo nòrd de Carcin. Tanben sosten l’escòla Calandreta l’Esquiròl. Vila de l’escrivan Pèire Brayac, Sant Seren sèrva de nombroses locutors d’occitan qu’an popat la lenga al brèç, e mai aculhís de corses d’occitan per adultes en mai de las classas d’occitan dins doas escòlas publicas, un collègi e un licèu.
Podètz vesitar lo sit Internet d’Aquí l’Òc e tanben lo grop de Facebook fòrça actiu.
Los formularis d’inscripcion e lo reglament los cal trobar sul sit www.espacioccitancarcinol.com, los cal completar e mandar per e-mail abans lo 22 d’octòbre 2021. Los poèmas, escriches individualament o collectivament, los caldrà mandar abans lo 18 de febrièr de 2022. La remesa dels prèmis aurà luòc al començament de junh a l’Espaci Occitan Carcinòl, a Sant Seren (Limarga).
Aquí l’Òc es una associacion que son sèti es a Sant Seren (Limarga) e que sa tòca es de promòure e desvolopar la lenga e la cultura occitanas dins lo nòrd de Carcin. Tanben sosten l’escòla Calandreta l’Esquiròl. Vila de l’escrivan Pèire Brayac, Sant Seren sèrva de nombroses locutors d’occitan qu’an popat la lenga al brèç, e mai aculhís de corses d’occitan per adultes en mai de las classas d’occitan dins doas escòlas publicas, un collègi e un licèu.
Podètz vesitar lo sit Internet d’Aquí l’Òc e tanben lo grop de Facebook fòrça actiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari