Bandièra01 1180x150: La Passem

Actualitats

InternacionalSocietat

L’OMS reconeis d’abuses sexuals e de viòls en Republica Democratica de Còngo

Los agressors èran d’emplegats engatjats per combatre sus plaça la flambada d’Ebòla entre 2018 e 2020

Lo director general de l’OMS, Tedros Adhanom Ghebreyesus, a demandat perdon a las victimas en se declarant “responsable” dels “defauts dins lo sistèma”, e a promés de reformas dins l’organizacion per evitar que se torne passar aquela situacion
Lo director general de l’OMS, Tedros Adhanom Ghebreyesus, a demandat perdon a las victimas en se declarant “responsable” dels “defauts dins lo sistèma”, e a promés de reformas dins l’organizacion per evitar que se torne passar aquela situacion | OMS

Tèxte legit

Almens 21 emplegats de l’Organizacion Mondiala de la Santat aurián secutat sexualament de femnas e de joventas de la Republica Democratica de Còngo entre 2018 e 2020. Los assalhidors èran embauchats per l’OMS per combatre sus plaça la flambada d’Ebòla.
 
Un rapòrt presentat dimars per l’OMS precisa qu’almens 63 femnas e gojatas serián estadas victimas d’extorsions e d’abuses sexuals, e i auriá agut 9 viòls. Delà los 21 suspèctes, lo rapòrt mençona 62 autres agressors de divèrsas nacionalitats que lor identitat es pas desvelada. Dins fòrça cases las victimas “obtenguèron pas los emplecs promeses en escambi de las relacions sexualas”, del temps que d’autras denoncièron d’èsser estadas mai d’un còp secutadas per tal de manténer lors emplecs, e mai d’èsser estadas licenciadas per o aver refusat. Lo document rapòrta tanplan d’emprenhaments, de naissenças prematuras e d’avortaments.
 
Lo director general de l’OMS, Tedros Adhanom Ghebreyesus, a demandat perdon a las victimas en se declarant “responsable” dels “defauts dins lo sistèma”, e a promés de reformas dins l’organizacion per evitar que se torne passar aquela situacion.
 
 
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article