Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Val d’Aran. Un herit leugèr en un laueg en Vaquèira

| Conselh Generau d'Aran

Era maitiada de dimenge a deluns, se produsic un laueg en Naut Aran (Val d’Aran) en parking deth telesèra Esquiròs dera estacion d’esquí Baqueira-Beret, ena zòna dera Pleta de Tanau, qu’afectèc ua forgoneta, e que produsic un herit leugèr, un òme que poguèc gésser dera forgoneta rosigada pera nhèu. Eth quite herit, e un testimòni, que telefonèren ath telefon d’emergéncies entà raportar eth laueg. Es Pompièrs l’amièren entar Espitau de Vielha.


Entàs 08h45 d’agèr deluns, es pompièrs aranesi qu’intervieren damb sies veïculs, dont 2 ambulàncies que suenhèren eth herit, e que heren ua recerca entà assegurar-se que non i auie cap mès victima deth laueg. Damb es pompièrs qu’an collaborat dues unitats deth Sistèma d’Emergéncies Medicaus (SEM), 4 patrolhes des Mòssos d’Esquadra, personau deth Conselh Generau d’Aran e ua unitat canina dera Gendarmaria francesa.
 
Es tecnicians de prevencion deth Conselh Generau d’Aran qu’anèren sus plaça entà entà hèr es avaloracions des causes deth laueg. Tanben er Institut Geologic de Catalonha (IGC) a mobilizat es sòns tecnicians.
 
Eth servici de Proteccion Civiu dera Generalitat de Catalonha a activat en alerta eth plan “Allaucat” de lauegi.
 
Mès informacions sus eth sit web deth Conselh Generau d’Aran:
 
 
 
 
FM/CGA

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article