CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 21 d'agost

Actualitats

Dimars, 12 de febrièr de 2013, 03h00 Societat,Politica,Internacional

Cap a l’eleccion d’un nòu papa

Beneset XVI, coma papa emerit, participarà pas al conclau per elegir lo sieu successor


Comentaris 2 comentaris    
Marrit Flac Bon Plan bon Fabulós (1 vòte)
carregant En cargar


Amb l’anonci del papa Beneset XVI de quitar la carga lo 28 de febrièr que ven, a uèch oras del ser, la Glèisa Catolica intrarà dins lo periòde nomenat de sèti vacant fins a l’eleccion del successor, que se pòt alongar fins a un vintenat de jorns. I a solament doas circonstàncias per arribar a la situacion de sèti vacant dins lo Vatican: la mòrt del papa o l’abdicacion. Aquela segonda opcion es pas estada brica frequenta dins l’istòria e, de fach, lo precedent mai immediat de Beneset XVI es lo de Gregòri XII, en 1415.
 
Malgrat los pauques precedents, a partir del 28 de febrièr, se dobrirà lo procès cap a la convocacion del conclau dels cardinals de mens d’ochanta ans (conclau ven del latin medieval conclave “luòc barrat amb una clau”, per la reclusion e per l’isolament maximal exigit als participants). Aqueles cardinals devon elegir lo nòu evesque de Roma, carga que compòrta la de papa e la de cap de l’Estat del Vatican.
 
Los conclaus, en vigor almens dempuèi lo sègle XIII, se debanan dins la Capèla Sixtina. Lo 22 de febrièr de 1996, amb la Constitucion Apostolica Universi Dominici Gregis sus la vacança apostolica e l’eleccion del nòu papa, Joan Pau II flexibilizèt un pauc las condicions de reclusion e permetèt que los cardinals electors poguèsson residir, mentre que se debanava la reünion, dins l’Ostal de Santa Marta, una residéncia dins lo complèxe del Vatican, mas en mantenent la rigorosa enebicion d’aver pas cap de contacte amb lo mond exterior.
 
L’abdicacion d’un papa es plan pauc frequenta, mas es plan prevista dins lo drech eclesiastic. Se requerís que siá una decision liura e que se manifèste de manièra formala, e mai s’es lo quite papa que determina de quina manièra o fa. Se demanda pas a degun d’acceptar la demission. Al delà de Beneset XVI, los pauques cases que se’n tròba son de l’Edat Mejana: Beneset IX (1045), Gregòri VI (1046), Celestin V (1294) e Gregòri XII (1415).
 
 
Que farà Beneset XVI?
 
La question que se prepausa es, ara: quin ròtle aurà Beneset XVI quand vendrà papa emerit, una figura desconeguda pendent los darrièrs sègles de papats? S’especula qualques ipotèsis, coma que pòsca venir tornarmai cardinal, evesque o quitament prèire en un monastèri de monjas de clausura, coma sembla qu’a manifestat que li agradariá.
 
Beneset XVI participarà pas al conclau qu’elegirà lo sieu successor, probable abans un mes a Roma, pr’amor que despassa l’edat dels cardinals qu’an drech d’i participar.



publicitat
BANER1-2-3: DGPL TRADUCTOR



Comentaris

13 de febrièr 15.34h

Que farà Beneset XVI? O vos vau contar : vendrà totes los bens de la gelisa per o distribuïr totes als acatats de la carèstia. Puèi anarà far un pelegrinatge a las arenas de Veròna qu'i foguèron martirizats mai de 200 bons crestians. Puèi se'n anarà trica-triqueta lo long del camin dels martiris valdeses, fins a Montsegur, non sens s'arrestar en camin per las Cevènas, per se reculhir sul lòc martirizat de la Gleisa del Desèrt. Quand arribarà a Montsegur, se farà donar lo consola... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

12 de febrièr 14.04h

http://www.youtube.com/watch?v=zcRk8UMQV6k


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Franc Bardòu

    Asuèlhs de Lauragués

  • © Iñaki Delaurens

    Val d'Aran

  • Dus auets en un. © Xavi Gutiérrez Riu

    Prumèra nheuada dera sason ena Val d'Aran

  • © Laurenç Revèst

    Val de la Tiniá

  • Estivada 2013. © Guillem Sevilla

    Estivada 2013

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Lei flors dei rosèlas moriguèron; nos mesclam a sei fruchas

    Meissonencas en Camarga pichòta

  • En tot hèr rota. © Xavi Gutiérrez Riu

    Prumèra nheuada dera sason ena Val d'Aran

  • Minecraft en version occitana

  • © Laurenç Revèst

    Menton, 'a vivaroalpenca maritima

  • © Margaria Pepin

    Adobament dal Grand Prèmi de Mónegue de 2014

  • Zep Armentano

    25au Corsa Aran per sa Lengua

  • Beneset Thauvin

    Concors de preseps, betlèms o grépias

  • Quilha deth Haro en Les (Val d'Aran) ©Maria Vergés

    Quilha deth Haro en Les (Val d'Aran)

  • © Franc Bardòu

    Tèrra albigesa

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • Briga (val de Ròia)

  • © Zep Armentano

    XI prèmis Gaudí de l'Acadèmia Catalana del Cinèma

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


44%



36%



19%



0%




Vots 99 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)