Actualitats
La Corèa del Nòrd a fach un tresen assag nuclear
Pyeongyang a avançat lo programa nuclear malgrat los avertiments de l’ÒNU e los Estats Units
Lo regim de la Corèa del Nòrd a confirmat ièr qu’a menat a tèrme un assag nuclear. “L’assag nuclear s’es fach a un naut nivèl e de manièra perfiècha e segura, en utilizant un pichon aparelh nuclear, mai leugièr e amb una fòrça mai explosiva que los precedents”, çò raportèt ièr l’agéncia oficiala de nòvas nòrd-coreana KCNA, qu’apondèt que l’assag nuclear aviá pas agut cap d’impacte negatiu sus l’environament.
La confirmacion de Pyeongyang arribèt après que se detectèsse un tèrratrem de 4,9 gras en Corèa del Nòrd. Fasiá qualques setmanas qu’avián dich que volián far aquel experiment nuclear, malgrat los avertiments de l’ÒNU e los Estats Units. De fach, s’agís d’una responsa dirècta a la resolucion del Conselh de Seguretat de las Nacions Unidas, prepausada pels Estats Units, condemnant lo lançament d’una fusada en decembre passat e aumentant las sancions contra lo país asiatic.
Pyeongyang a dich que la fusada voliá solament metre en orbita un satellit, mas Washington o vei coma un assag de missil de longa portada.
Es lo tresen assag nuclear que fa la Corèa del Nòrd, après los que faguèt en 2006 e 2009.
La confirmacion de Pyeongyang arribèt après que se detectèsse un tèrratrem de 4,9 gras en Corèa del Nòrd. Fasiá qualques setmanas qu’avián dich que volián far aquel experiment nuclear, malgrat los avertiments de l’ÒNU e los Estats Units. De fach, s’agís d’una responsa dirècta a la resolucion del Conselh de Seguretat de las Nacions Unidas, prepausada pels Estats Units, condemnant lo lançament d’una fusada en decembre passat e aumentant las sancions contra lo país asiatic.
Pyeongyang a dich que la fusada voliá solament metre en orbita un satellit, mas Washington o vei coma un assag de missil de longa portada.
Es lo tresen assag nuclear que fa la Corèa del Nòrd, après los que faguèt en 2006 e 2009.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Totes los caps d'estats son de doctors Fùolamor. A cap d'entre eles non cal pas daissar cap armas de destruccion massisa. Quals son los unes per se permetre de donar leçons als autres ?
#1 Avètz rason, cal donar la bomba al doctor Fòlamor...
L'ONU, l'UE e los EUA avertisson, condamna, castigan. Comprenètz ben que i a dos menas d'estats : los bons, qu'an dreit a l'arma nucleària, e los maissants, que non i an pas dreits. Ensajatz de devinhar un pauc çò que n'an a fotre los que n'i an pas dreit, per veire…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari