La Comission Europèa a avisat Polonha après que la Cort Constitucionala polonesa diguèt que lo drech d’aquel país èra al dessús del de l’Union Europèa. La presidenta de la Comission, Ursula von der Leyen, a avertit Varsòvia que los tractats de l’UE son fòrça clars e obligan los estats membres e lors corts de justícia de complir totas las senténcias de la Cort de Justícia de l’UE.
 
“La legislacion de l’UE a preeminéncia sus la legislacion nacionala, compresas las disposicions constitucionalas. Totes los estats membres de l’UE an signat aquò coma membres de l’Union Europèa. Emplegarem totes los poders qu’avèm en vertut dels tractats per o garentir”, çò a dich von der Leyen. A mai, ela a soslinhat que los 450 milions de ciutadans de l’UE se fisan de la jurisprudéncia europèa e que, per tant, la prioritat de l’UE es de protegir los dreches dels poloneses.
 
Ara, après lo braç de fèrre amb la Cort Constitucionala polonesa, l’UE pòt reagir de tres biaisses diferents. Un d’eles seriá blocar a Polonha l’argent dels fonzes europèus de recuperacion per la crisi pòstpandemia, un autre seriá dobrir una procedura d’infraccion per aver pas respectat las leis europèas, e, enfin, se poiriá tanben quitar d’aplicar progressivament a Polonha los tractats de l’UE. Aquesta opcion destacariá Varsòvia del quadre legal, economic, politic e social de l’UE.
 
 

Deeply concerned by the ruling of the Polish Constitutional Tribunal.

is a community of values & laws. We will uphold the founding principles of the EU's legal order.

Our utmost priority is to ensure that the rights of Polish citizens are protected.https://t.co/QcL2K0vltj

— Ursula von der Leyen (@vonderleyen) October 8, 2021

 

Poleaxit: https://t.co/Hb1aDt774O

— Giles MacDonogh (@GilesMacDonogh) October 9, 2021