Bandièra01 1180x150: La Passem

Actualitats

CulturaEconomiaEspòrtLengaPolitica
crotz-tolosaCreated with Sketch.GasconhaVal d'Aran

Era Generalitat de Catalonha aumentarà de 3,5 milions d’èuros era sua transferéncia ath Govèrn d’Aran

Era amassada bilaterau entre es govèrns d’Aran e de Catalonha que se debanèc agèr en Barcelona

| govern.cat

Tèxte legit

Era Generalitat de Catalonha aumentarà de 3,5 milions d’èuros era sua transferéncia de sòs ath Govèrn d’Aran en tot transferir competéncies sus era salut e sus era gestion der elevatge de bestiau e er ors. Era dotacion tara proteccion dera lengua e era cutura aumentarà de 40 000 èuros. Aqueri son, basicament, es acòrds dera amassada bilaterau entre es govèrns d’Aran e de Catalonha que se debanèc agèr en Barcelona.
 
Segons era conselhèra dera Presidéncia dera Generalitat, Barcelona e Vielha an acordat de contunhar “de trabalhar amassa” enes aspèctes restacadi damb er espòrt, es drets sociaus, era educacion, era cultura e era mobilitat, çò que comportarà de dotacions suplementàries.
 
En çò que tanh ara candidatura des Jòcs Olimpics d’iuèrn en Pirenèu, era sindica d’Aran ei d’acòrd que se hesque un referendum entà demanar era opinion des abitants, mès precise que vò que se consulte sonque as abitants des parçans qu’aculhiràn es espròves esportiues.
 
Fin finau, es dus govèrns an signat ua declaracion institucionau que daurís “ua naua estapa” entre es dues institucions.


 
 
 





abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Que vagin alerta los de Jornalet, perquè la Generalitat e l'Institut d'Estudis Aranesi volen que a Catalunya e tamben Barcelona que forma part de la Generalitat, sia la fonètica de la Val d'Aran que s'empri e non la patuesa. Que no es plànhen despús que no reben subvencions.

  • 1
  • 1
francesc Palma
1.

Es una bona nova que lo Govèrn d' Aran reba mai de diners, la seva fonetica es una de las mai claras per no dire la mai clara de las occitanas. Segons Josèp Salvat que faguet la Lenga Occitana segon los parlars Lengadocians, la -A finala que sona -O, es la semisonanta entre A e O de l'antiga lenga d'Oc, o sia la E neutra catalana. Aissí doncas la duas formas com pronunciaven la -A finala atona, que s'a pogut conservar fins auèi es coma o disen a la Val D'Aran -A, e coma o disian abans de perdre lo son neutra -oe. Compreni que los occitans que pronuncian la -A finala -O, los sia mai aisit pronunciar lo son neutre -OE que la -A.

  • 3
  • 8

Escriu un comentari sus aqueste article