Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasBesierés

Cinc ans de preson per l’adolescent que tuèt Carla a còps de ponh

| MAXPPP
Lo tribunal per enfants de Besièrs a condemnat un adolescent de 17 ans a cinc ans de preson, dont dos amb sosta e mesa a l’espròva, per aver tuat a còps de ponh Carla, una escolana de 13 ans, a Florençac (Besierés), lo 20 de junh de 2011.
 
Lo procuraire de la Republica Patrick Mathé a anonciat qu’aviá decidit d’introdusir un recors a la decision contra aquel adolescent, empresonat en un centre dempuèi junh de 2012. Al moment de l’audiéncia, lo 23 de genièr passat, la representanta del Ministèri Public demandèt uèch ans de preson contra aquel gojat qu’ara a 17 ans e que fa un an qu’es en preson.
 
Lo jove Gaëtan, qu’al moment dels faches practicava la bòxa dempuèi dos ans, reconeguèt aver donat dos còps de ponh.
 
Segon l’expèrt medical legal, Carla moriguèt d’una emorragia intèrna per un uppercut seguit d’un gafet a la cara. En mai d’aquò, un testimòni afirmèt que lo gojat s’arrestava pas mai de tustar, coma “un can enrabiat”.
 
L’origina de l’agression seriá una rivalitat amorosa, desencadenada per Facebook, entre la sòrre de l’agressor e la victima.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article