Bandièra01 capçalera  1180x150: Novestivada

Actualitats

Israèl: l’espasa d’un crosat vièlha de 900 ans descobèrta dins un “estat perfièch” de conservacion

La lama mesura un mètre de long, la ponhada 30 centimètres

| EFE / רשות העתיקות‎

Tèxte legit

Descobèrta dins la mar prèp de la còsta israeliana, una espasa poiriá èsser vièlha de 900 ans e aver apertengut a un cavalièr crosat, segon l’Autoritat Israeliana de las Antiquitats (AIA) dins un comunicat publicat dimars 19 d’octòbre, çò rapòrta France Info.

 

Un cabussaire descobriguèt l’objècte dissabte passat a Cesarèa. Èra una espasa entièrament acaptada de coralhs e de cauquilhatges, e ça que la dins un “estat perfièch”. Es “una descobèrta rara e magnifica que, segon tota evidéncia, apertenguèt a un cavalièr crosat. (…) Es pivelant de veire un tal objècte, que nos empòrta fa 900 ans, dins un autre temps amb de cavalièrs, d’armaduras e d’espasas.”

 

Tanplan benlèu aquela espasa es la d’un cavalièr occitan? Nombroses foguèron los que seguiguèron lo comte Raimond de Sant Gèli, o d’autres senhors, e participèron a las crosadas.

 



 

abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

Es pas per azard l'espasa de Jaufre Rudèl ?

  • 2
  • 0
Franc Bardòu
2.

Nombroses foguèron los que seguiguèron lo comte Raimond de Sant Gèli, o d’autres senhors, e participèron a las crosadas. Per ne saber las "aventuras", recomandi la reconstitucion pacienta que l'establiguèt (ailàs en francés, non pas en occitan) Jean-François Gareyte : "L’Aube des Troubadours. La Chanson d’Antioche du chevalier Béchade" Ed. La Lauze, Périgueux, 2007, 600 p. Aquesta òbra, mai anciana que la "Chanson de Roland", fonda la cançon de gèsta occitana, e a servit de matrícia a la "Cançon de la Corsada". I trobaretz quitament elements imaginaris fòrça originals que semblan aver servit al quite Tolkien.

  • 7
  • 0
Bodiu
1.

De qual es aquela espasa ? Caldrà que se desencuza aquel d'aqui !

  • 4
  • 0

Escriu un comentari sus aqueste article