Bandièra01 1180x150: Comuna de Tolosa

Actualitats

Un fotbolaire d’elèit australian sortís de l’armari

“Soi las d’ensajar de far veire çò qu’es pas. Es alassant, o desiri pas a degun”, çò a declarat dins un vidèo Josh Cavallo

Tèxte legit

Josh Cavallo, fotbolaire de l’esquipa australiana Adelaide United FC, a rendut publica son omosexualitat dins un vidèo partejat suls rets socials del club. “I a una causa personala que me cal partejar amb totòm: soi fotbolaire e soi gai”, çò ditz amb emocion. Cavallo explica qu’aviá totjorn agut lo sentiment de se n’amagar perque aviá vergonha de sa sexualitat. “Tot çò que vòli es jogar al fotbòl e èsser tractat coma los autres. Soi las d’ensajar de far veire çò qu’es pas. Es alassant, o desiri pas a degun.”
 
Amb son comunicat, Cavallo vòl “inspirar los autres e mostrar qu’es normal d’èsser se meteis e de jogar al fotbòl. Es plan d’èsser gai e de jogar al fotbòl. O vòli mostrar a d’autras gents que patisson e qu’an paur”. De soslinhar que lo mond del fotbòl masculin es un dels qu’an mai d’òbra a accceptar l’omosexualitat. I a pas de jogadors dobèrtament gais dins las divisions mai prestigiosas.
 
La Federacion Australiana de Fotbòl a publicat un comunicat de sosten a Cavallo e incita d’autres fotbolaires gais a seguir son exemple. A l’ora d’ara, Josh Cavallo es lo sol esportiu dobèrtament gai de la Liga A del fotbòl australian.

 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bodiu
9.

Quantas laissas i a dins la limanda..... atal çà disiá la cançon

  • 0
  • 0
Quentin Tolosa
8.

Sembla que quauqu'un cambièt los remèdis de l'EHPAD en legissent los comentaris o_Ô

  • 22
  • 3
Bodiu
7.

#6

MDR !

  • 0
  • 3
girondin circonspect
6.

#4 Contre lo desvelopament d'Occitània ? Perqué presentar las causas d'aqueth biaish ?

N'existís pas una linha, dejà, entre Bordèu e Tolosa ?

Duas òras aquò's tròp ende percórrer la distància ? Los occitans pòden pas se passar d'aquera mija-òra qu'una LGV haré ganhar ? N'i a pas pro d'òbras gigantas pertot, la politica de grandas òbras vos sembla tant desirabla que fadré bavassejar sus los que s'i opausan ?

Transpòrts publics gratuits per tots, estanc absolut e immediat de la creacion de rotas e linhas de tren, interdiccion a tèrmi de totas las autòs individualas (termica com electrica), nacionalizacion immediata de las autopistas, aquí los enjòcs necessaris que s'aurén de debàter, dens lo monde pòst-covid.

  • 6
  • 3
pierre lachaud
5.

L'omosexualitat devendra lo novel genre uman?
Emben tots los medicaments, los vacins que son consomats dins lo monde, l'òm sap pus si contenant pas daus produchs que favoriserian l'omosexualitat.
I a tant d'autres footbalors qu'aimerian que l'òm parla d'eus; los que son mòrts alaidonc que venian de se far vaccinar.

  • 14
  • 24

Escriu un comentari sus aqueste article