Bandièra01 capçalera  1180x150: Novestivada

Actualitats

Facebook censura l’occitan per error

Al marge dels nombroses debats sul foncionament de Facebook, la question dels algoritmes que contraròtlan lo ret social es sovent presenta. Ne raportam un exemple de mai.

| Steve Buissinne

Tèxte legit

Olivier de Joie, cantador del famós grop de rock tolosan dels ans 1980 Les Fils de Joie, compausèt un òda a la vila ròsa e a son club de rugbi, entitolada Tu seras en rouge et noir. Puèi demandèt a Joan-Marc Leclercq, president de l’IEO 31 e collaborador de Jornalet, de revirar lo tèxt en occitan. Una version bilingua foguèt doncas enregistrada e botada recentament sus YouTube.
 

 
Mas la promocion sus Facebook foguèt censurada pr’amor que “va al contra dels estandards de la comunautat en matèria de discors d’òdi e d’insultes.”
 

 
Après reflexion, s’agiriá d’una error de l’algorisme qu’auriá considerat que lo mot negre èra lo mot francés: escrich en majusculas, se pòt sovent passar d’accent grafic en aquela lenga. La preséncia a costat del mot roge a pas informat l’algorisme que se pòsca tractar d’una lenga autra que lo francés.
 
Qu’un sistèma susvelhe la plataforma per prevenir los abuses es una plan bona causa en se. Mes se cal sonar l’alarma, cal qu’un uman siá darrièr per verificar se s’agís plan d’un insulte racista o sexista. E aquí avèm doas solucions:
 
— non i a pas cap d’uman que contraròtle çò que Facebook va censurar,
 
— i a un uman que contraròtla mas compren pas çò qu’es l’occitan o alavetz espia pas vertadièrament lo vidèo que, evidentament, conten pas cap de messatge racista.
 
Quina que siá la vertat, i a segurament quicòm de cambiar dins lo biais de far de Facebook.
 

abonar los amics de Jornalet

 

 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo jozieu errant Lo Mercat
1.

Mai informacion en l'article a prepaus del 'wokisme' de fa 2 o 3 jorns

  • 3
  • 0

Escriu un comentari sus aqueste article