Un òme abilhat a la faiçon del Joker, lo personatge antagonista de las bendas dessenhadas de Batman, ataquèt amb un cotèl plusors passatgièrs dins un tren de banlèga a Tòquio, çò rapòrta Kyodo News. Après nafrar 17 personas, dont un òme que se tròba en estat grèu, incendièt lo sèti d’un vagon.
 
L’assalhidor, detengut per la polícia, lor diguèt que voliá tuar de mond per que lo condemnèsson a la pena capitala, e èra segur de recebre aquela senténcia s’aucisiá almens doas personas.
 
L’ataca esglasièt los passatgièrs, qu’ensagèron de fugir per las fenèstras del tren. Los enquistaires e los testimònis explican que l’òme portava un cotèl de cosina dins una man e una botelha de plastic dins l’autra mentre que se passejava dins los vagons. Après pojar dins l'ochen vagon, ont escotelèt al pitre l’òme grèvament nafrat, avancèt fins al seisen vagon, ont escampèt de liquid inflamable e cremèt un sèti. Aquò empliguèt de fum lo tren.
 
Après tot lo rambalh, l’agressor s’assetèt sus un sèti per fumar una cigarreta fins qu’arribèsse la polícia, que l’arrestèt sens qu’opausèsse de resisténcia.
 
Un testimòni mençonat per Kyodo News ditz que d’en primièr cresiá que lo cotèl èra tacat de fals sang e que tot comptat e rebatut èra sonque una badinada d’Halloween.
 
 

京王線社内で火災発生 pic.twitter.com/94cLtJkDy4

— しずくβ (@siz33) October 31, 2021

 

The incident, which was reported at about 8 p.m., occurred on a train running near Kokuryo Station in the city of Chofu in Tokyo, NHK reported. https://t.co/bp7C3hxCM2

— The Japan Times (@japantimes) October 31, 2021

 

This is the culprit for the Tokyo Keio Line incident tonight. He has injured several people on the train nearby Kokuryo Station with knife and set some part of the train on fire. He has been arrested by police. https://t.co/lvso0Vngmu

— Suzuki (@suzuki1412) October 31, 2021