Tres manifestacions de la mesada avenidoira en país audenc son l’organizacion d’eveniments reportats en rason dels confinhaments e autras mesuras sanitàrias. L’Institut d’Estudis Occitans Aude es a l’iniciativa d’aqueles rendètz-vos en relacion amb d’autras associacions.
Una Setmana de la Paraula
Quatre rescontres marcaràn la Setmana de la Paraula. Los primièrs tres auràn per encastre la sala Na Loba (una polida referéncia trobadoresca!) a Puègnautièr:
— lo diluns 15 de novembre, a 18h30, jol títol "Dire son si", lo grop Parlatge (legeires de l’IEO Aude) dirà de poèmas de Leon Còrdas que se ne tornèt publicar l’ensemble de l’òbra poetica l’an passat;
— lo dimars 16, a 18h30, la contaira Maria Coumes e lo musician Paulin Courtial presentaràn lor creacion Carnaval(s), una enquista dins lo mond de Carnaval per presicar son necessari reviscolament e entreténer nòstre besonh de mites;
— lo dimècres 17, a 18h30, las artistas del Teatre de las Originas presentaràn lor Conferéncia Borlesca d’Interès Occitana, dinamica e interactiva, de sason: "Martror, fais-moi peur!"
— lo dimars 16, a 18h30, la contaira Maria Coumes e lo musician Paulin Courtial presentaràn lor creacion Carnaval(s), una enquista dins lo mond de Carnaval per presicar son necessari reviscolament e entreténer nòstre besonh de mites;
— lo dimècres 17, a 18h30, las artistas del Teatre de las Originas presentaràn lor Conferéncia Borlesca d’Interès Occitana, dinamica e interactiva, de sason: "Martror, fais-moi peur!"
Lo quatren rendètz-vos clavarà las doas jornadas d’estudis suls etnològs indigènas (s’i parlarà de Felix Arnaudin, Carles Galtièr, Marcèla Delpastre, Joan Francés Blader, etc.) menadas pel GARAE a l’Ostal de las Memòrias de Carcassona lo dijòus 18 e lo divendres 19 de novembre. Lo divendres, a 18h, Marc Pala balharà una conferéncia sul legendari de las Corbièras orientalas, tèma de dos libres qu’a publicats amb lo concors del PNR de la Narbonesa.
Una quinzenada Transmetre a Limós
La setmana seguenta, se dobrirà una quinzenada dedicada a la transmission a Limós. Serà presentada la mòstra "Los Amics de Joan de l’Ors" que permetrà una intervencion tot public (dimècres 24 de vèspre) e d’animacions pels escolans. Una lectura en francés (Judith Morand) e en occitan (Alan Roch) celebrarà l’occitan e pausarà la question: "Perqué m’an pas dit a l’escòla?", lo dijòus 25 en serada.
Lo divendres 26, lo Cineclub e Cinemaude reçaupràn a l’Elisi (es lo nom de la sala!), Patric La Vau per la projeccion de dos documentaris sieus: Lenga d’Amor e L’escòla en occitan.
Lo divendres 3 de decembre, los Amics de Le Monde Diplomatique convidan un jornalista de la publicacion, Felip Descamps, per parlar de la biodiversitat lingüistica en dangièr.
Lo dissabte 4 de decembre, sala Monte Cristo, se poirà assistir a la pèça Transe-Maître(s), retenguda dins la sason ATP. Lo punt de despart del prepaus es l’utilizacion del senhal per desculturar las populacions autoctònas d’Africa: un agach sus la colonizacion que s’i trapan aisidament de parentats amb la situacion occitana.
Lo divendres 3 de decembre, los Amics de Le Monde Diplomatique convidan un jornalista de la publicacion, Felip Descamps, per parlar de la biodiversitat lingüistica en dangièr.
Lo dissabte 4 de decembre, sala Monte Cristo, se poirà assistir a la pèça Transe-Maître(s), retenguda dins la sason ATP. Lo punt de despart del prepaus es l’utilizacion del senhal per desculturar las populacions autoctònas d’Africa: un agach sus la colonizacion que s’i trapan aisidament de parentats amb la situacion occitana.
Joan Bodon: 100 ans mai un
A Carcassona, lo centenari de la naissença de Joan Bodon serà celebrat amb una annada de retard.
Lo dijòus 25 de novembre (18h), una presentacion de la vida e de l’òbra de l’escrivan dobrirà la manifestacion a la mediatèca Grain d’Sel.
Lo diluns 29 de novembre, a l’Ostal Sirventés (18h30), se farà l’estrena de la mòstra del Didièr Mir suls Contes del Drac.
Lo dimècres 1r de decembre, a la mediatèca Grain d’Aile (10h), se diràn de Contes de l’ostal, dels Balssàs o del Drac.
Lo diluns 29 de novembre, a l’Ostal Sirventés (18h30), se farà l’estrena de la mòstra del Didièr Mir suls Contes del Drac.
Lo dimècres 1r de decembre, a la mediatèca Grain d’Aile (10h), se diràn de Contes de l’ostal, dels Balssàs o del Drac.
Long de la quinzenada, de classas poiràn siá vistalhar la mòstra, siá reçaupre una intervencion conte.
Lo diluns 6 de decembre, a l’Ostal Sirventés (18h30), lo president de l’Ostal Bodon de Crespinh, Jiròni Vialaret, balharà una conferéncia sus la preséncia de l’Istòria dins l’òbra de Bodon.
Lo divendres 10 de decembre, la manifestacion se clavarà en musica e cançons en companhiá de Mans de Breish que cantarà (evidentament) Bodon a la Fabrica de las Arts (18h30), abans un sopar roergàs (sus inscripcion per e-mail a ieo11@ieo-oc... O per telefòn al +33(0)4 68 25 19 78).
Lo divendres 10 de decembre, la manifestacion se clavarà en musica e cançons en companhiá de Mans de Breish que cantarà (evidentament) Bodon a la Fabrica de las Arts (18h30), abans un sopar roergàs (sus inscripcion per e-mail a ieo11@ieo-oc... O per telefòn al +33(0)4 68 25 19 78).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari