Actualitats
La Bruguièira: Regain pèrd lo mercat de l’armada francesa, que preferís de crompar en China
La societat castresa de tricòts e vestits de seguretat emplega 40 personas e, malgrat la pèrda d’aquel mercat, contunha d’avançar
Tèxte legit
Regain emplega 40 personas e, malgrat la pèrda d’aquel mercat, contunha d’avançar. Per afrontar la concurréncia chinesa, se consagra a prepausar de produches innovants, tecnics e de fòrta valor aponduda.
Pel patron de Regain, Laurent Brunas, los mercats publics deurián prene mai en compte los critèris de responsabilitat societala de las entrepresas. “En França, lo còst per minuta d’una persona que trabalha dins la confeccion es d’òrdre —aperaquí— de 0,50 centim d’èuro. En Portugal, son a 0,30. En Tunisia e Romania son a 0,13. E en China, lo còst per minuta es de 0,05 centim d’èuro. China es doncas dètz còps mens cara que França”, çò explica Brunas. Per el, lo sol astre de passar es que se valorize de mai en mai la qualitat e non pas lo prètz. “Un ponch qu’es fòrça important, tanben, es lo còst de possession que permet d’agachar la durabilitat del produch. Perque i a de produches, uèi, que son pas ges cars, que son fòrça pauc qualitatius e que, cada an, cal tornar crompar. Quand los crompaires prenon en compte los còstes de possession, s’avisan qu’es un investiment e que los produches an una durada de vida de quatre a cinc ans.”
Ara, çò ditz Brunas, Regain se concentrarà suls clients que causisson la fabricacion al país, coma lo Musèu del Lovre, RTE e Vias Navigablas de França.
La marque #Regain, basée depuis plus de 40 ans dans le Tarn, a perdu un marché avec l’armée française qui a choisi un fabricant chinois pour la confection de ses pulls. Depuis 1973, la manufacture fournit des uniformes sur mesure et autres vêtements de sécurité à l'armée. pic.twitter.com/73izX90NkH
— Livre Noir (@Livrenoirmedia) November 4, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seguissent lo ligam çai-jos, trobaretz tota l'istòria de la falsas nòva,
https://www.francetvinfo.fr/politique/arnaud-montebourg/vrai-ou-fake-comment-l-armee-francaise-a-ete-accusee-d-acheter-des-pulls-made-in-china-plutot-que-made-in-france_4833941.html
Es a remarcar qu'es l'estat el meteis qu'externaliza la fabregacion, çò que plan segur es pas en favor de las entrepresas francesas.
Atal l'estant es dos còps emblaire.
a- balha nòstra argent a d'entrepresas estrangièras
b- Enriquesit pas las entrepresas nòstras ambe l'argent que nos pana de per impaus taxas contribucion et te sabi mai.
Dins la venda de la toda energia d'alstom a l'american general elextric (13 Milhards d'euros), es un escandre màger :
Lo mantenement dels 58 reactors nuclearis son confidat a una entrepresa estrangièra.
D'apèi olivier Marleix deputat LR en carga de la comission d'enquista," Los prestataris renumerats de per la venda de la toda energia d'Alstom, i aviá qualques financièrs de la campanha electorala de Macron.
https://www.lefigaro.fr/societes/pourquoi-la-vente-controversee-d-alstom-a-general-electric-fait-a-nouveau-parler-d-elle-20190724
Una toda = un tronçon, une branche
Ongan ai fach una toda de blat maresc : cette année j'ai fait un tronçon de blé de mars.
Lo sit de france bleu a fach una messorga. Es estat averigat per l'armada.
Es fabregat al Maròc d'apèi l'armada
Çò que cambia pas plan causas.
L'entrepresa del tarn a escapat lo mercat
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari