Bandièra01 1180x150: Comuna de Tolosa

Actualitats

Liga 1: Los caps falhisson pas

Liga 2: Clarmont manca la bona operacion

| Yann Caradec
Liga 1: Los caps falhisson pas

Montpelhièr ganha sens fringar (1-0) e garda sos dos ponches d'avança sus París, qu'esbeluguèt contre Sochaux (6-1). Bordèu empòrta lo classic occitan en fàcia d’un OM sens capitada (2-1)
Montpelhièr jòga amb los nèrvis.
 
Davant las bandieròlas d'actualitat de l'Armata Ultra («Fa cinc ans que nos fan la misèria, deman ven a nosautres», «Iñigo R.IP» en membrança del suportaire de l'Athletic Bilbao tuat per un flashball de la polícia espanhòla), Montpelhièr patís per se tirar de la trapèla nordista. Pr'amor que los de Valencianas avián aprestat l'encontre com caliá: Giroud plan tengut, e los espacis redusits al minim, ne costèt bèlament als eraureses per jogar endavant. Mas ongan, la còla de René Girard poiriá caminar sus Les, se fasiá mestièr. En plena fisança, los defensors mestrejan l'afar, l'organizacion bolega pas, jamai, e la transmission als avants, quand seriá complicada per la bona prestacion dels adversaris, es tostemps capitada un moment o l'autre. Finalament, Montpelhièr pren tres ponches, mercés a un gòl petaçat de Camara. Consèrvan un marge pichon contra lo PSG, malgrat la victòria sens pietat dels parisencs contra Sochaux, mas se totes los encontres son a l'imatge d'aquel, la fin de sason serà longa.


Tolosa pèrd de terren
 
Evian Thonon Gaillard demorava amb una sèria de tres desfachas a casa adereng, quand lo TFC se presentèt amb la possibilitat de prene solets la quatrena plaça. Arser la capitada escapèt als violets tota la partida. Los garoneses tenguèron la bala, en una polida demostracion collectiva, mas al moment de marcar las ricas construccions s'abasèron, quasi tota la partida. Bulut, Capoue, Braaten saupèron pas trapar los filats, malgrat fòrça ensages. Caliá esperar l’intrada de Ben Yedder (69a minuta) per veire Tolosa rampelar, enfin. Mas dissabte, s'i podiá pas far res: a pro penas tornats al marcador, Abdennour marcava en sa pròpia gàbia, per balhar la victòria als savoiards. Tolosa pèrd sa bona posicion per jogar Euròpa, una setmana abans la recepcion del leader Montpelhièr.


Bordèu-Marselha, un classic occitan?
 
Per se'n membrar, s'i cal atemar un chic: tres ans endarrièr, Girondins e OM luchavan pel títol. Uèi, las trajectòrias de las doas esquipas, se se calcan pas exactament, mòstran pasmens de caracteristicas de bon comparar. Per l'una coma per l'autra, las doas annadas après lo títol semblèron un castig, fach de desfachas e de dobtes, de crisis encadenadas e de rumors sens fondament. Dissabte, la partida entre los dos mostres del fotbòl occitan èra d'importància, aital. Se tractava de ganhar per l'onor, d'emportar una mena de classic occitan, e d'esperar acabar la sason davant l'autre —pr'amor qu’es pas mai realista de calcular lo nombre de ponches entre Bordèu, Marselha e l'Europa League—.
Foguèt una polida partida, finalament : Bordèu mai que realista (Jussiê marquèt dos còps en doas ocasions), e Marselha lançat a la perseguida dels girondins. Arser, Carrasso es pas estrangièr als tres ponches pres per son club. Tenguèt sa gàbia sens tremolar fins a la 56a minuta e un gòl de Jordan Ayew, que tornava l'espèr als provençals. Mas en van: Tremoulinas se perdèt un penalty a la 68a, e Tony Chapron fiulèt pas una fauta sus Brandao dins la superfícia. L'ultim còp franc de Valbuena èra parat per Carrasso, e demorava pas qu'a s'emmaliciar contra un arbitratge de bon contestar. Es la dotzena partida sens victòria de l'OM, en campionat, e los suportaires se'n sabon mal. Après un viatge de 650 km, quitèron l'estadi a la pausa, fatigats d'aquela esquipa sens gaire de volontat ni de capitada.

Niça s'apròcha del manten

Fàcia als darrièrs del classament, qu'acabèron la partida a nòu, los niçards aguèron de batalhar sec. Pauc d'ocasions (un desviament de Clerc sul pal del Gim, un ensag de Gonçalves en segond periòde), mas un penalty pauc clar transformat per Monzon, demièg las contestacions dels vesitaires. Niça pren un chic d'aire, dins una partida sens tròp de sabor, paura tecnicament e tacticament.
 
Los resultats:

Montpelhièr – Valencianas 1-0 ; Dijon – Lilla 0-2 ; Evian TG – Tolosa 2-1 ; Brèst – Rennes 0-1 ; Can – Sant Estève 1-4 ; Niça – Aussèrra 1-0 ; Bordèu – Marselha 2-1 ; París – Sochaux 6-1 ; Ajaccio – Nancí 0-0 ; Lion – Lorient 3-2
 
 EsquipaPtsJGRPBpBcDif
1Montpelhièr HSC 69 33 21 6 6 60 31 29
2 París SG 67 33 19 10 4 63 35 28
3 LOSC Lilla Metropòli 62 33 17 11 5 62 36 26
4 Olimpic Lion 56 33 17 5 11 52 43 9
5 Stade Rennais 54 33 15 9 9 45 36 9
6 AS Sant Estève 53 33 15 8 10 44 37 7
7Tolosa FC 53 33 15 8 10 36 30 6
8Girondins de Bordèu 46 33 11 13 9 40 37 3
9 Evian TG FC 45 33 12 9 12 48 47 1
10Olimpic de Marselha 41 33 10 11 12 40 38 2
11 AS Nancí Lorena 41 33 10 11 12 33 39 -6
12OGC Niça 37 33 9 10 14 34 39 -5
13 Valencianas FC 37 33 10 7 16 31 40 -9
14 FC Lorient 35 33 8 11 14 32 44 -12
15 SM Can 34 33 8 10 15 35 49 -14
16 Dijon FCO 34 33 9 7 17 37 54 -17
17 AC Aiacciu 34 33 7 13 13 33 54 -21
18 FC Brèst 33 33 6 15 12 28 33 -5
19 FC Sochaux-Montbéliard 33 33 8 9 16 34 54 -20
20 AJ Aussèrra 28 33 5 13 15 37 48 -11



Liga 2: Clarmont manca la bona operacion

Arser, Clarmont tornèt a casa amb una sensacion fòrta de frustracion. Après un gòl d'Alessandrini (24a), sola ocasion auvernhata de tota la primièra tempsada, los òmes de Der Zakarian tenián un bon resultat, mai que mai amb la desfacha de Tròias a Rems. Una victòria a Boulogne, avantdarrièr del classament, auriá menat Clarmont a la tresena plaça. Mas Reale, dintrat sul camp a la 70a minuta, rampelèt dins lo temps addicional. Un bon parat es mancat de se tornar posicionar per la pujada.
Istre pana tres ponches a Amians.
Bona operacion pels provençals : après una dominacion sens partatge (sonque una ocasion de tota la partida pels istrencs), Amians, darrièr de L2, dobriguèt la marca sus penalty a la 74a minuta. Mas divendres, Amians podiá pas ganhar. Los violets (de blanc arser) rampelèron a la fin del temps reglamentari (penalty de Nouri) abans d'assucar los nordistas a la fin de las prolongacions (gòl de Nouri, encara). Istre pana tres ponches, devant un estadi escandalizat per la malcapitada de l’esquipa locala e lo debanament curiós de la partida.

Arle-Avinhon: rampèl fadàs a l'ostal

Dins una partida de petit nivèl tecnic, que las errors e imprecisions s'i multipliquèron, Arle se poguèt pas impausar en fàcia dels senglars de Sedan. Passas mancadas, balons que s'escapan o que los portièrs pòdon pas mestrejar, shots sens conviccion o mal quadrats animèron aquela partida d'escassa qualitat. Maissanta operacion pels dos clubs, que pèrdon un parat de se projectar endavant, amb la sensacion d'o pas aver tot ensajat.

Mónegue seguís sa sèria

Mónegue contunha a son ritme impressionant : sens desfacha dempuèi lo mitan de febrièr, l'ASM encadenèt una cinquena victòria adereng, contra Le Havre. Mas calguèt luchar. Los normands intrèron plan dins la partida, serioses al pressing mas pauc realistas. Pauc a cha pauc, los monegasques saupèron trobar de biaisses per geinar l'adversari, e al tornar de la pausa Ibrahima Touré dubriguèt la marca, d'una polida represa. Los blanc e roge èran pas luènh de doblar la marca, quand un còp franc de Tzavellas s'esglaishèt sus la transversala. Es un novèl bon resultat pels monegasques, que lo sòmi de pujada cada setmana se fa mens fòl, amb lo ritme que baissa pas.
 
Los resultats

Boulogne – Clarmont Foot 1-1 ; Arle-Avinhon – Sedan 0-0 ; Laval – Nantas 2-0 ; Guingamp – Tors 0-0 ; Amians – Istre 1-2 ; Mónegue – Le Havre 1-0 ; Lens – Mètz 0-2 ; Angieus – Le Mans 1-1 ; Rems – Tròias 1-0 ; Bastia – Châteauroux 2-1

 EsquipaPtsJGRPBpBcDif
1 SC Bastia 65 33 19 8 6 55 29 26
2 Estadi de Rems 54 33 15 9 9 45 33 12
3 ESTAC Tròias 51 33 13 12 8 37 34 3
4Clarmont Foot 50 33 13 11 9 42 34 8
5 Sedan 49 33 12 13 8 48 42 6
6FC Istre 47 33 12 11 10 43 39 4
7 Tors FC 46 33 12 10 11 36 36 0
8AS Mónegue FC 46 33 11 13 9 36 40 -4
9 FC Nantas 45 33 12 9 11 41 36 5
10 Châteauroux 44 33 13 5 15 35 46 -11
11 Stade Levallois 43 33 11 10 12 42 41 1
12 EA Guingamp 42 33 11 9 13 34 39 -5
13AC Arle-Avinhon 42 33 9 15 9 32 37 -5
14 Angieus SCO 41 33 10 11 12 38 40 -2
15 RC Lens 41 33 10 11 12 38 44 -6
16 Le Mans 40 33 10 10 13 32 33 -1
17 FC Mètz 40 33 10 10 13 26 33 -7
18 Le Havre AC 37 33 8 13 12 30 31 -1
19 US Boulogne CO 33 33 6 15 12 32 38 -6
20 Amians SC 25 33 4 13 16 28 45 -17

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article