La CNN ven de raportar la venda d’una petita filha de 9 ans en Afganistan. Li dison Parwana Malik e son paire l’a venduda per un pauc d’argent dins una situacion de crisi e de famina. L’òme que l’a crompada ditz als jornalistas que la petita “èra plan bon mercat perque son paire es paure e a de besonh d’argent”, e assegura que la batrà pas, que serà “aimable”. Segon lo Programa Mondial dels Aliments (PMA) de l’ÒNU, Afganistan viu ara “un dels piègers desastres umanitaris del Mond”. A mai, i a environ 3,5 milions de desplaçats intèrnes a causa de la violéncia.
 
Lo reportatge de CNN es esglasiant. La pichona Parwana refusa d’èsser crompada mas sa resisténcia li servís pas a res. Viviá amb sa familha dins un camp de desplaçats dins lo nòrd-oèst de la província de Badghis. Sos parents vivon d’ajudas umanitàrias e de petits trabalhs mal pagats. Ela voliá estudiar e venir ensenhaira.
 
 
La vòl “per que faga de tascas domesticas”
 
L’a crompada un òme de 55 ans sonat Qorban. A pagat 200 000 afganis, aperaquí 1900 èuros. El assolida als jornalistas que l’a pas crompada per se maridar amb ela, qu’el es ja maridat, mas que la tractarà coma se foguèsse una filha siá. La vòl “per que faga d’obratges domestics”.
 
 
“Me cal vendre per manténer vius los autres”
 
Lo paire, Abdul Maik, expliquèt als reportèrs qu’èra “romput” après pachar la venda e que podiá pas dormir a causa de la vergonha e de l’inquietud a prepaus de l’avenir de sa filha. Ça que la, diguèt que la vendre èra la sola possibilitat qu’aviá après deure fòrça argent a de parents e obténer pas un trabalh pagat coma cal. “Sèm uèch dins la familha, me cal vendre per manténer vius los autres”. Totun, reconeissiá que la venda de la pichona Parwana lor serviriá solament a subreviure qualques meses, e a ja vendut sa filha de 12 ans fa qualques meses.
 
Segon lo PMA, son de mai en mai nombrosas las “familhas obligadas de vendre lors enfants dins un ensag desesperat per subreviure”.

 
 

#Afghanistan : pour se nourrir, certaines familles se sont résolues à vendre leurs filles pour qu'elles soient mariées au plus offrant.
C'est le cas de Parwana, 9 ans, vendue 1900 € à un homme de 50 ans.#Télématin@infofrance2@JohannaGhigliapic.twitter.com/1uOe7wRpjh

— Telematin (@telematin) November 3, 2021

 

“This is your bride. Please take care of her — you are responsible for her now, please don’t beat her” says 9 year old Parwana’s father as he sells her to a 55 year old man.

I pray the people who brought this day to Afghanistan never sleep in peace. pic.twitter.com/P90Iw1B9uC

— Sodaba سودابه (@SodabaH) November 5, 2021