Actualitats
Tornan en Euròpa las restriccions sanitàrias a causa de la covid-19
De mai en mai s’impausa pertot lo passador covid e Àustria vòl confinar los non-vaccinats
Tèxte legit
L’Union Europèa es a patir de donadas recòrd d’infeccions e de mòrts de la covid-19. “La covid-19 creis dins los païses amb de taxas de vaccinacion mai bassas, dins l’Euròpa de l’Èst mas tanben dins de païses qu’an las taxas pus nautas de vaccinacion del Mond, dins l’Euròpa occidentala”, çò a dich Tedros Adhanom Ghebreyesus, director general de l’Organizacion Mondiala de la Santat (OMS).
Davant aquesta situacion, qualques païses tornan impausar de restriccions, mai que mai pels non-vaccinats. En Itàlia, lo passador covid es obligatòri per trabalhar. En Àustria totparièr, e mai lo govèrn vòlga aplicar un confinament als non vaccinats.
Als Païses Basses, malgrat que l’80% de la populacion adulta siá entièrament vaccinada, tanben s’es enduresit las restriccions. En Danemarc, un dels païses amb la taxa pus nauta de vaccinats, lo passador covid es obligatòri per accedir a las discotècas, als restaurants, concèrts o musèus. Aquí, lo ministre de l’emplec a suggerit que dins l’avenir tanben exigiriá lo passador per trabalhar.
En Bulgaria e Romania, que son los païses europèus amb lo percentatge pus bas de vaccinats, lo passador covid es obligatòri per accedir a cèrts espacis. En Romania, es obligatòri per sortir per carrièras pendent la nuèch.
Davant aquesta situacion, qualques païses tornan impausar de restriccions, mai que mai pels non-vaccinats. En Itàlia, lo passador covid es obligatòri per trabalhar. En Àustria totparièr, e mai lo govèrn vòlga aplicar un confinament als non vaccinats.
Als Païses Basses, malgrat que l’80% de la populacion adulta siá entièrament vaccinada, tanben s’es enduresit las restriccions. En Danemarc, un dels païses amb la taxa pus nauta de vaccinats, lo passador covid es obligatòri per accedir a las discotècas, als restaurants, concèrts o musèus. Aquí, lo ministre de l’emplec a suggerit que dins l’avenir tanben exigiriá lo passador per trabalhar.
En Bulgaria e Romania, que son los païses europèus amb lo percentatge pus bas de vaccinats, lo passador covid es obligatòri per accedir a cèrts espacis. En Romania, es obligatòri per sortir per carrièras pendent la nuèch.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Non vòli pretendre lo contrari.
Mas quand òm se vaccina contra la ràbia, la tuberculòsi, lo tifus, le tetanos, aquelas malautiás dispareisson gaireben cap e tot.
Amb las "causas" qu'emplegam contra gripas e autras covid19, non dispareisson, ges ni mica.
Es en rason d'aquesta diferéncia de resultat experimental que m'agradariá qu'òm trobèsse un autre nom que "vaccin" per designar los remèdis, indispensables mas, a l'evidéncia, non bastants, qu'emplegam a l'ora d'ara. La nocion de "vaccin", popularizada pels primièrs tractaments evocats, indutz una mena de confusion, respècte als resultats visiblament obtenguts, e mai siá de resultats globalament mailèu positius, çò que non contèsti.
Amics se cal vacunar, ja se qu' es un emprenh, una molestia, un toca colhons, mas se cal vacunar perquè las ventajas son molt grans e salvar la vida encara que fos d'una persona ja s'ho paga. E es que no i a cap perilh, non agatz temor, que qüalcun vos acompanhe per non i anar totsols e serà mai bon de passar.,e aprés estaretz contents.
#2 Lo vaccin n'ei pas un totèm d'immunitat. Ne se'n tròba pas qui sia eficaç a 100%.
Lo vaccin anti-gripau, considerat com un vaccin deus bons, n'a pas sonque ua eficacitat de 60%.
https://www.euro.who.int/fr/health-topics/communicable-diseases/influenza/vaccination/influenza-vaccination-frequently-asked-questions#384265
L'exemple del Reialme Unit (et ara d'autres paises tant coma Alemanha) nos mòstra que, sens cap de restriccions e ambe 65-70% de la populacion dobla vaccinada, lo nombre de mòrts de la covid-19 es dos còps pus bas que l'autran a-n-aqueste periòde, ambe de restriccions mès sens vaccinacion. Doncas clarament, los vaccins son fòrça utils, quitament contra lo delta: fan baissar lo risc individual d'aveire una forma grèva de la malautia, e lo risc collectiu de transmission. Mès vesèm plan qu'aquestes risques son pas completament eliminats e que, ambe un variant tant contagios, la vaccinacion sola sufis pas. E seria totjorn lo cas a 100% de vaccinacion. Vaqui perque lo pass sanitari o l'idèia d'embarrar especificament los non vaccinats son pas de solucions crediblas. Podèm imaginar trapar un vaccin mai eficaç contra la transmission a l'avenidor, per aténher l'imunitat collectiva; mès pel moment, cal foncionar autrament: gèstes barrièira solide, mès tanben purificators d'aire dins totes los luòcs publics, classas desdobladas, rotacion dels oraris de trabalh dins la societat per limitar l'afluéncia als oras de poncha... Sinon aurèm tornar d'embarraments, de cobrifuòcs sens comptar lo pass sanitari, coma a l'acostumada...
"Als Païses Basses, malgrat que l’80% de la populacion adulta siá entièram". Alara, qué ? A ieu, m'agradariá qu'òm trobèsse un autre nom per designar un vaccin que non vaccina pas…
Lo VIH, responsable del SIDA, muta tant e tantaivat que lo sistèmi immunitari non pòt apréner a lo reconéisser. E donc, non se pòt donc vaccinar contra un virus a nauta frequéncia de recombinason genetica, de tipe VIH.
Quid d'aquela COVID19 ? O es coma un VIH, e es pas la pena de nos copar lo cap amb de vaccinacions que non ne son ; o es diferent del VIH, e se pòt establir un vaccin. Mas dins aquel cas, es pas la pena de nos apelar "vaccin" quicòm que, a l'evidéncia, non n'es encara un. S'agís sonque d'una proteccion, necessària, mas sonque una precaucion sanitària de mai, per limitar (e non pas eradicar, coma amb un vaccin) los efèctes grèus e la propagacion virala dins de proporcions simplament superioras a las capacitats espitalièras, capitalistament limitadas despuèi dètz o quinze ans, ja que non vòlon pagar tròp, los rics, per un sistèmi sanitari eficaci per totes. E res mai.
COVID o pas COVID, cal causir entre la retabilitat espitalièra ordoliberala (nocion de capitalisme mondializat) e la securitat medicala per totes (nocion elementària de "servici public de santat")… Aquí un vertadièr enjòc democratic electoral. Aquò deuriá èsser al centre central del debat electoral. Qui ne parla dins aqueles tèrmes ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari