Una invasion d’escorpions a Assoan, en Egipte, tuèt almens 3 personas e ne nafrèt mai de 450 dins la dimenjada passada. Aqueles androctòns fugissián lors nises a causa d’una tempèsta e anèron per las carrièras de la vila. Es pas un fenomèn estranh: quant las tempèstas nègan los nises de las sèrps e dels escorpions près de Nil, los animals se refúgian dins los airals pus nauts, que son sovent abitats per d’umans.
 
Lo govèrn egipcian a aumentat lo nombre de dòsis d’antidòt als espitals de la vila qu’aculhisson los nafrats e a mobilizats de mètges e infirmièrs que vaccinavan contra la covid-19 per sonhar las fissadas d’escorpion. A mai, las autoritats demandan als abitants que quiten pas lors ostals e qu’eviten los airals ont i a d’arbres, pr’amor qu’es l’abric que preferisson aqueles animals. Mentretant, contunha de plòure, çò que complica lo retorn dels escorpions dins lors nises.
 
Los androctòns egipcians son una de las espècias mai verenosas de la planeta. Fan aperaquí 10 centimètres e lor fissada pòt tuar una persona en mens d’una ora. La picada provòca normalament de dolor, una inflamacion o un engordiment, mas dins los cases mai sevèrs la ponhedura causa de dificultats per respirar, d’espasmes e de problèmas cardiacs. De fach, lo nom androctòn ven del grèc “tuaire d’òmes”.
 
 

#Egypt : Health official in Aswan has told BBC that the heavy thunder & hail storm there washed scorpions into the streets & people’s homes - causing 400 people to be stung - in the rains scorpions seek refuge anywhere they can… #أسوان#مِصر
pic.twitter.com/zGbWzTNMQn

— sebastian usher (@sebusher) November 13, 2021

 

A swarm of scorpions in Egypt killed at least 3 people and hospitalized over 500 others, says state media.

Heavy rains and extreme weather scientists link to the climate crisis pushed the "man-killer" scorpions from their hiding places into streets and homes, say officials. pic.twitter.com/6ampgNK8FZ

— AJ+ (@ajplus) November 15, 2021