CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 23 d'agost

Actualitats

Dimenge, 17 de febrièr de 2013, 03h00 Societat,Politica,Lenga,Escòla

Lengadòc > Lengadòc Bas > Montpelhierenc

Montpelhièr a aculhit la protèsta occitanista en favor de la lenga dins l’ensenhament


Comentaris 11 comentaris    
Marrit Flac Bon Plan bon Fabulós (7 vòtes)
carregant En cargar



© Danís Cantournet


© Danís Cantournet





Etiquetas
escòla, lei deducacion, manifestacion, montpelhièr, occitan

Lo Peiron de Montpelhièr a aculhit ièr dissabte una concentracion que revendica que la futura lei de l’ensenhament, qu’a l’ora d’ara se debat a París, prenga en compte las lengas minorizadas, e mai que se prenga de mesuras efectivas per lor implementacion dins lo sistèma educatiu.
 
La lei dobrís la pòrta a una aumentacion de l’ensenhament en d’autras lengas, mas mençona pas las lengas de l’Estat francés, çò qu’a provocat de mesfisança demest los sectors educatius e dins qualques partits politics.
 
La manifestacion foguèt convocada pel collectiu País Nòstre e comptava amb lo sosten de quatre organizacions occitanistas de mai: la Federacion de las Calandretas de Lengadòc, lo Partit Occitan (PÒC), la seccion regionala lengadociana de l’Institut d’Estudis Occitans (IEO) e l’agropacion d’ensenhaires en occitan CRÈO-FÈLCO.
 
E mai se la concentracion s’èra convocada amb una cèrta urgéncia e en emplegant basicament los rets socials, la protèsta comptèt amb la participacion d’aperaquí 500 personas, 350 segon la polícia.

A la fin de la protèsta, una delegacion de cinc personas, que representavan cada entitat convocanta, se poguèt entrevistar dins la prefectura de la region de Lengadòc-Rosselhon amb lo cap de gabinet del prefècte, amb un representant de l’Acadèmia de Montpelhièr e amb un delegat de la Direccion Regionala dels Afars Culturals (DRAC).

Mentre que se debanava la reünion, arribèt lo prefècte: “ai vist que i aviá una manifestacion e vos veni escotar”, çò diguèt.
 
Lo prefècte, e los autres representants del govèrn, s’engatgèron a far arribar las revendicacions dels manifestants al Ministèri de l’Educacion, del temps que se farà passar una mocion al president francés François Hollande (que podètz legir sul sit de País Nòstre). Los politicians mostrèron tanplan d’interès pel foncionament de las Calandretas e de las escòlas publicas bilingüas.
 
Dins aquel sens se liurèt al prefècte un document ont se podiá veire qu’en Occitània i a un deficit d’ensenhament public en occitan; una escòla bilingüa per cada 230 000 escolans aperaquí, del temps qu’en Corsega n’i a una per cada 7000 personas e al Bascoat una per cada 1500.
 
L’acamp se passèt en un ton festiu e revendicatiu, e s'acabèt amb una crida a manifestar lo 20 d’abril a Rodés, ont se debanarà una manifestacion que vòl èsser una jornada festiva de reafirmacion occitana.




_____
Las fòtos de la manifestacion, per Jacky Grau



publicitat
BANER1-2-3: DGPL AN LAFONT



Comentaris

18 de febrièr 13.22h

Soi pas del Clapas mas èri dins la vila per la dimenjada e que me trapet dins aquela manifestacion, pus exactament a la fin d'aquela quand èra arribada a la Plaça del mercat de las flors. Soi plan d'acòrdi amb las revindicacions mas per ièu quicòm trucava. A aquel moment se separavan los demandaires en pichons grops los uns per se taulejar a las terrassas solelhadas dels estanquets de la plaça, los autres tornant a çò d'eles, e que lenga parlavan entre eles los que fasian lo bosin occi... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

18 de febrièr 11.16h

I èri! Ma primièra manifestacion :)

Nasquèri a Orlhac fa 35 ans, mos pairbons parlàvan "patois" (eles o disián ansin) e volián pas qu'o parlèssem nosautres los felens... Fa un an qu'assagi d'aprene la lenga. Sabi pas s'es correct lo mot "aprene" : es coma se la tenguèssi amagada dins lo cap e me'n calguèsse prene consciéncia.

Es estat ma primièra oportunitat de parlar occitan amb de gent (vivi a Bilbo, Bascoat) e m'a emocionat... e entendre a ausir la lenga, la veire viva...

Vos... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

18 de febrièr 07.07h

Es l'accion que compta !
Los elegits de Montpelhièr èran un pauc particulièrs, vist que demorèron tota la manifestacion e non pas solament lo temps de se faire fotografiar !!
E son plan las leis de l'Estat francés que cal cambiar, per l'ora, non ? E aquò se passarà (un jorn) al parlament de França !


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

17 de febrièr 20.43h

#8
Que si que vau regularament.
E regularament de véser aqueles elegits que bombisson lor pitre eissarpadat de blau-blanc-roge me dòl los uèlhs.

Ah! Dieu miu! Qué ne dirián los mius pepins?..... Ah o sabi: "Un còp de forca a tot aquò"


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

17 de febrièr 20.24h

#3 N'ès pas jamei anat tà ua manifestacion occitanista ?


Valoriza aqueste comentari:   votar positiu 5   votar negatiu 2
Respondre comentari replica Comentari inadeqüat   Formulari d'abús de comentari

17 de febrièr 19.32h

#5
Un comentari a costat!

Ai dit ieu que los manifestants èran de prendre vergonha?

Ai dit ieu que per un elegit venir a una manifestacion èra prendre vergonha ?

Non pas "car amic". O ai pas dit.

Mas que vengan los elegits, que vengan, per centenas e puèi aprèp qu'agiscan!

Ai simplament dit que la preséncia d'una eissarpa tricolòra èra malvenguda a una manifestacion occitanista pel simple fait qu'aquelas colors representa un estat (lo francés) qu'es responsable totalament de la s... Legir mai


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

17 de febrièr 16.47h

Aquesta gent eisharpada, car amic, que son eslegits deu pòble. Que son representants deu pòble, eslegits per un processus democratic. Jo que'us arremercii d'estar present tà déhéner l'ensenhament de l'occitan. La vergonha n'ei pas de lor costat.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

17 de febrièr 15.28h

#3
Pfff: pietadosa la remarca e tipica de la vacuitat argumentativa.

Doncas, non i èri pas perqué soi pas brica d'acòrdi amb la flaquesa de la reinvidicacion portada per aquesta mini-mani.

O mantèni: la preséncia d'eissarpas franchimandas es contra-productiva dins una manifestacion occitanista. Tant se n'auriá valgut passar.

L'estat francés es l'enemic de la lenga occitana: me sembla qu'aquò es pro establit.


Valoriza aqueste comentari:   votar positiu 2   votar negatiu 8
Respondre comentari replica Comentari inadeqüat   Formulari d'abús de comentari

17 de febrièr 13.54h

#2 Jo que pensi que i vau mei estar, quitament dab l'eisharpa, que non pas i estar. E dongas, i èras, tu?


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Mn. Condò siguec hilh dera Renaishença Catalana”

Jusèp Amiell prèire e escrivan aranés

“Mn. Condò siguec hilh dera Renaishença Catalana”
giny

giny

publicitat

lateral 2 teveoc

Fotografias

  • © Zep Armentano

    Era Mongetada (Val d'Aran 28-29 d'octobre 2017)

  • Lo grand passacarrièra de Rodés. Occitan Pride 2013

  • Niça vièlha en occitan niçard. © LR

    Niça vièlha en occitan niçard

  • Galhac

    Octòbre de 2012 en Tèrrafòrt de Galhac Tolzan

  • © Laurenç Revèst

    Besièrs, preséncia d'occitan en ciutat e CIRDOC

  • Omenatge a Aragon. © Franc Bardòu

    Omenatge a Aragon

  • Arremassada de signatures pera independéncia. ANC Val d'Aran, Vielha 11-12 de gèr 2014

  • La Korrika, la corsa per la lenga basca es arribada a Tolosa

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • País de Rasés. © Franc Bardòu

    País de Rasés

  • © Franc Bardòu

    País Bordalés

  • © Laurenç Revèst

    Fòrt Maginòt de Sant Anhe

  • © Zep Armentano

    XI prèmis Gaudí de l'Acadèmia Catalana del Cinèma

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Segnaletica parcialament en occitan niçard perdua al mitan de la ciutat (fòra vila vielha amb segnaletica istorica), quartier de la Madalena. © Laurenç Revèst

    L'occitan per carrièras

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Lo grand passacarrièra de Rodés. Occitan Pride 2013

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



33%



23%



1%




Vots 128 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)