Actualitats
Galas: trabalhistas e independentistas decidisson la creacion de nòus servicis publics galeses e de donar de vam a la lenga
Lo pache prevei de mesuras per refortir las condicions d’usatge veïcular del galés dins las escòlas
Tèxte legit
Lo Partit Trabalhista de Galas e lo Plaid Cymru an atench un acòrdi de legislatura de tres ans de durada dins lo qual se son engatjats a crear divèrses servicis e entrepresas publicas galesas, e tanben a donar de vam a la lenga del país.
Demest d’autras mesuras, l’acòrdi ditz que se fondarà una entrepresa de construccion publica galesa d’abitatges socials e que s’estudiarà l’establiment d’una entrepresa galesa publica d’energia. Lo pache prevei tanben d’avançar devèrs l’estudi de la creacion d’un Sistèma Nacional de Proteccion Sociala de Galas: los dos partits se son engatjats a definir un “plan d’execucion” devèrs l’acabada de 2023.
Lo pache entre trabalhistas e independentistas considèra tanben divèrsas mesuras de refortiment de la lenga galesa, mai que mai en çò que tanh a las condicions de son usatge veïcular dins las escòlas amb l’aprobacion d’una Lei de l’Educacion en Lenga Galesa e tanben dins l’administracion.
S’establís pereu de mesuras contra lo cambiament climatic e per limitar las residéncias segondàrias.
Los trabalhistas (30 deputats) e lo Plaid Cymru (13) an una ampla majoritat dins l’Assemblada Nacionala de Galas, compausada de 60 membres. Totun, lo Plaid Cymru farà pas partida del govèrn, que serà format exclusivament de membres del Partit Trabalhista.
Aquesta nòva es adaptada de Nationalia amb qui Jornalet ten un acòrdi de cooperacion.
Demest d’autras mesuras, l’acòrdi ditz que se fondarà una entrepresa de construccion publica galesa d’abitatges socials e que s’estudiarà l’establiment d’una entrepresa galesa publica d’energia. Lo pache prevei tanben d’avançar devèrs l’estudi de la creacion d’un Sistèma Nacional de Proteccion Sociala de Galas: los dos partits se son engatjats a definir un “plan d’execucion” devèrs l’acabada de 2023.
Lo pache entre trabalhistas e independentistas considèra tanben divèrsas mesuras de refortiment de la lenga galesa, mai que mai en çò que tanh a las condicions de son usatge veïcular dins las escòlas amb l’aprobacion d’una Lei de l’Educacion en Lenga Galesa e tanben dins l’administracion.
S’establís pereu de mesuras contra lo cambiament climatic e per limitar las residéncias segondàrias.
Los trabalhistas (30 deputats) e lo Plaid Cymru (13) an una ampla majoritat dins l’Assemblada Nacionala de Galas, compausada de 60 membres. Totun, lo Plaid Cymru farà pas partida del govèrn, que serà format exclusivament de membres del Partit Trabalhista.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una entrepresa publica es pas un servici public. L'article ditz pas si serà en concurréncia emb d'autras. E m'estonaria qu'un monopòli sia possible dins lo Reiaume Unit de Boris Jonhson.
En mai, crear una entrepresa publica regionala es possible quitament dins l'UE. Qu'es nonmas una question de volontat politica (e mai de sòus). Per çò daus abitatges sociaus per exemple, en França avem mai que mai de las entrepresas publicas.
Lo problema es pas d'èsser dins o defòra de l'UE. Lo problema es de luchar contre lo liberalisme (e mai lo capitalisme). D'alhors l'acòrd Trabalhistas-Plaid Cymru ditz : "Lo Reiaume Unit a ara laissat l'Union Europèa, mas devem enquera far fàcia a las consequéncias de 'quela decision."
La lucha contra l'UE es una quimera a gaucha, que fai lo juec dau populisme de drecha. Per aver una politica de gaucha, fau pas surtir de l'UE, fau préner lo poder. Tant dins l'UE, qu'au Reiaume Unit o aus Estats Units (que fugueren jamai dins l'UE mas pertant son pas un modele de social-democracia...)
Seriós ? Capitan de desvelopar de nòus servicis publics ?!!!? Aquí un bèl exemple dels efèctes possibles d'una sortida d'Euròpa ! Semblan venguts liures de decidir a esquèrra ! Polida capitada !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari