Bandièra01 1180x150: La Passem

Actualitats

EscòlaInternacionalPolitica
crotz-tolosaCreated with Sketch.GasconhaVal d'Aran

La justícia espanhòla impausa un 25% d’espanhòl a las escolas de Catalonha e Aran

La Cort Suprèma ratifica una senténcia qu’elimina l’immersion en occitan de las escòlas aranesas e en catalan de las escòlas catalanas

Tèxte legit

La Cort Suprèma espanhòla ordena que l’ensenhament en Catalonha siá almens del 25% del temps en espanhòl. Aquela senténcia afècta tanben l’escòla aranesa e son sistèma d’immersion lingüistica en occitan dins lo qual s’apren tanben en catalan, espanhòl e francés. Los jutges de Madrid an confirmat una senténcia de la Cort Superiora de Justícia de Catalonha d’arunan qu’establissiá, a la demanda dels avocats de l’estat, l’obligacion d’ensenhar almens un quart de las matèrias en espanhòl. La Generalitat aviá depausat un recors que ven d’èsser rebutat.
 
“Es un grèu atac contra l’escòla catalana per un tribunal luènh e ignorant de la realitat dels centres educatius”, çò a dich lo conselhièr de l’educacion de Catalonha, José González-Cambray, que demanda que las escòlas fagan pas de cambiaments dins lors projèctes lingüistics. “Lo departament d’educacion demorarà de lor costat per lor donar una proteccion”, çò a precisat.
 
Justament, lo govèrn de la Generalitat de Catalonha ven de presentar un plan de proteccion e usatge del catalan a l’escòla après verificar que sonque lo 46,8% dels ensenhaires parlan tostemps catalan als escolans.
 
De son latz, l’organizacion Plataforma per la Llengua a avertit que la senténcia èra contrària a la Carta Europèa de las Lengas Regionalas o Minoritàrias que la ratifiquèt l’estat espanhòl (al contrari de l’estat francés).
 


 
 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles països valencians
5.

#3
quan no hi ha argumets insultes ... quina poca qualitat humana, cal dialogar, raonar, mai insultar

  • 2
  • 2
claret toulousa
4.

poden fal io que bolen , la gent fara so que bol

  • 1
  • 0
Pitaluga
3.

#2 Daissa corrir lo "blavero" : es un fakeniosista...

  • 9
  • 0
Lo passejaire Endacòm mai
2.

#1 "De milièrs de parents"? Arrèsta de far servir lo corrector automatic e de mentir, pichon espanhòl; 80 familhas, 80, volguèron impausar lo castelhan. E sabes que "la bèla lenga catalana = valenciana" es en perilh sus son pròpri territòri, perque la lenga de Madrid es primièra.

  • 15
  • 3
carles països valencians
1.

Se cal saber que milhs de parents catalans demandèron a sos enfants d'estudiar en espanhòl a au moins un 25% d'assignaturas, lo tribunal a donat la rason als parents de milhs d'enfants qu'an lo dret d'aprendre la lenga de tot l'estat. Las doas lengas son oficialas, es pas un atemptat a la bela e digna lenga catalana, mas un dret fondamental e constitucional lo poder dominar tanben la lenga comuna a tots los espanhòls, dins tot l'estat espanhòl, los catalans sortisson ganhant ja que milhs de parents l'an demandat.

  • 4
  • 30

Escriu un comentari sus aqueste article