Bandièra01 1180x150: Comuna de Tolosa

Actualitats

InternacionalPoliticaSocietat

Francés als refugiats de Lèsbos: “ Lo qu’a paur de vosautres vos a pas agachats dins los uèlhs”

Lo papa vesitèt dimenge passat lo camp de refugiats de l’illa grèga per afortir que caliá pas desmembrar lo drama dels migrants en Mediterranèa

| Vatican News

Tèxte legit

Lo papa Francés vesitèt dimenge passat lo camp de refugiats de Mavrovouni, dins l’illa de Lèsbos, qu’aculhís environ 2200 demandaires d’asil dins de condicions complicadas. Dins son viatge que comencèt lo 2 de decembre en Chipre e Grècia, lo pontife insistiguèt per vesitar lo sit de Lèsbos pr’amor que, çò diguèt, “lors uèlhs nos demandan qu’agachem pas endacòm mai, que reneguem pas l’umanitat que nos jonh, que fagam nòstras lors istòrias e qu’oblidem pas pas lors dramas”.
 
Davant aperaquí 200 personas, de representants dels refugiats, de cooperants e tanben la presidenta grèga, Katerina Sakelaropoulou, lo pontife demandèt d’arrestar lo “naufragi de la civilizacion” qu’abandona los migrants. “Permetam pas que lo mare nostrum venga un desolant mare mortuum, ni qu’aqueste ponch de rescontre venga la scèna de conflictes”, çò precisèt.
 
Lo discors del pontife aviá comemçat amb de paraulas adreiçadas dirèctament als refugiats: “Soi aicí per vos dire que soi près de vosautres, soi aicí per veire vòstras caras, per vos agachar dins los uèlhs plens de paur e d’espèr, d’uèlhs qu’an vist la violéncia e la pauretat, d’uèlhs enregats per tròp de lagremas”. Enfin, Francés lor diguèt: “Lo qu’a paur de vosautres vos a pas agachats dins los uèlhs”.
 
 
 
 
   


 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Un Papa progressista qu' agrada pas a los fachas ni a la dreta

  • 4
  • 0
MOSCA CANHISCA
3.

Segon daubuns, çò qui compta n'ei pas çò qui a dit, mes qui ac ditz (#2)

  • 3
  • 0
agnostic front
2.

Pausa hasèva que Jornalet avèva pas hèit de propaganda ecumenista.

  • 3
  • 23
pierre lachaud
1.

Paubre papa que d'un biais fai la charitat e de l'autre lo Vatican es una banca internacionala que fai la pluja e lo brave temps dins lo monde de la Finança.

  • 2
  • 15

Escriu un comentari sus aqueste article