Vikidia, l’enciclopèdia liura per enfants de 8 a 13 ans, ven de dobrir una version en occitan. Aquel projècte, inspirat de Wikipèdia e qu’i pòt participar totòm, s’inaugurèt lo 3 de febrièr de 2015 e existís en catalan, francés, espanhòl, italian, anglés, grèc, armèni, sicilian e rus; e ara tanben en lenga nòstra.
 
Vikidia en occitan es una iniciativa dels collegians occitanofòns del collègi Fabre de Rodés. “Èra una demanda de mos collegians bilingües qu'avián trabalhat per redigir d'articles, e après un contacte, acceptèron, e mai farguèron lo sit en òc!”, çò conta a la redaccion de Jornalet Primaël Despax, qu’es lor ensenhaire.
 
La version de Vikidia en occitan ven tot just d’espelir. Es doncas lo moment de ne far la promocion e d’incitar lo mond a la desvolopar.
 


 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…