Bandièra01 1180x150: País Invisible

Actualitats

L’occitan es mes en valor dins la candidatura de Saluças-Vísol coma capitala culturala d'Itàlia per 2024

Dins lo dorsièr trobam lo nom de la candidatura en italian e en occitan e mai d’una mençon de l’occitan coma lenga e cultura de dobertura

| Saluzzo Monviso 2024

Tèxte legit

L’occitan es mes en valor dins la candidatura de Saluças-Vísol coma capitala culturala d'Itàlia per 2024. Las Valadas Occitanas e l’ancian marquesat de Saluças, al pè de Vísol, presentan una candidatura que portariá la reüssida culturala del territòri.
 
Lo dorsièr de la candidatura, qu’èra partit en octòbre per lo Ministèri de la Cultura, se ven de presentar dins una manifestacion publica. Aquí trobam lo nom de la candidatura en italian e en occitan e plusors mençons de l’occitan coma lenga e cultura de dobertura. De soslinhar la nominacion del cineasta Fredo Valla dins lo comitat scientific.
 
Demest las nombrosas personalitats que sostenon la candidatura Saluças-Vísol 2024 se tròban de famoses occitanistas coma lo musician Sergio Berardo. De soslinhar que de collectivitats de l’autre costat de la frontièra politica sostenon la candidatura, coma las comunautats de comunas de Val d’Ubaia, de Guilhestrés e Cairàs e de Sèrra Ponçon.
 
Lo títol de “Capitala italiana de la cultura” es autrejat pel conselh dels ministres italian en seguida de la proposicion del ministre del patrimòni cultural, d’activitats e de torisme, a la durada d’un an e prevei l’assignacion d’un milion d’èuros. En genièr i aurà una primièra seleccion de las candidaturas.



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
3.

Per capitala occitana del mond, un vilatge d'ancians Valdeses occitans refugiats en Italia quand fugissián las persecussions de la glèisa catolica integrista francesa, l'idèa m'agrada fòrça.

  • 4
  • 0
fredo valla
2.

Mercès redacion de Lo Jornalet. A genìer sabarem se la candidatura Saluças-Visol a passat lo premier triage. A n'aquela mira nos chalré ben travalhar e anar sal concret. Per acò es emportant per nos contiar sus l'ajua de los fraires d'Occitania e Catalonya. Mercés car Ferriol.

  • 22
  • 0
Risorgimento Aqui Londra
1.

Istoric ! La Reconquista de l'occitan tan esperada dempuèi de sègles s'engimbrarà doncas a partir de Saluças-Vísol, òsca !

  • 12
  • 10

Escriu un comentari sus aqueste article