Actualitats
Rugbi de XIII: l’ors que dança e l’ors que ranqueja
Demorava doas partidas de jogar aquesta dimenjada per metre a jorn lo calendièr de l’Elèit 1
Alan Roch
Dissabte, Albi recebiá Limós. Una patanada locala sus la recepcion del còp de pè d’entamenada balhèt las draias d’una partida de sens unic. Los Grizzlies audencs marcavan tre la quatrena minuta, puèi, cap al quart d’ora de jòc, alinhavan tres ensages en quatre minutas per menar 22-0 e 34-0 a la pausa. Se los Tigres faguèron mina de sortir las urpas dins lo segond temps, lo planchòt final indicava un 44-12 de mal engolir cò del public tarnés. Limós de son costat preparava del melhor dels biaisses lo dèrbi de represa lo dimenge 9 de genièr fàcia als Canaris.
Preparacion que los carcassoneses i agèron pas dreit lo dimenge dins la mesura ont los Orses de Sent Gaudenç s’entutèron e refusèron de venir jol pretèxte del nombre de nafrats e, tanben, de las fèstas nadalencas! La dimenjada èra plan marcada al calendièr de la sason coma jornada de recobrament e se pòt pensar que de sancions van tombar sul club pirenenc que se trapa dins una plan marrida passa.
A Domèc, aquò permetèt a l’esquipa feminina locala de jogar a l’ora de l’Elèit 1 e de ganhar (68-4) la partida a 9 amb las tolosanas.
Elèit 2: Un dèrbi catalan per Illa
En Elèit 2, se joguèron tres partidas pel compte de la desena jornada. Vilafranca se desplacèt pas a Pià en rason de la Covid.
Dissabte, Selon ganhava lo dèrbi provençal fàcia a Carpentràs 38-28 e Illa demorava mèstra (22-14) en cò sieu fàcia a Baó: 22-14. Dimenge, Vilagalhenc-Argon pèrd son invincibilitat a l’Escura: 36-28.
Dragons: desfilat de mòda
Los Dragons Catalans an presentat los dos malhòts que portaràn aquesta sason: un blanc amb l’escapulari sang e aur per jogar a Brutus; l’autre, jaune raiat de roge acompanhat de braietas rojas pels rescontres a l’exterior.
Sul pitre, figurarà pas pus la marca Sud de France (que passa dins l’esquina), mas Zodiac: una entrepresa locala, mas americanocastelhana, d’espandi francés especializada dins lo material per las piscinas. Permetrà probable als Dragons de plan nadar e de se jogar de las trapèlas dins la competicion novèla…
Alan Roch
Preparacion que los carcassoneses i agèron pas dreit lo dimenge dins la mesura ont los Orses de Sent Gaudenç s’entutèron e refusèron de venir jol pretèxte del nombre de nafrats e, tanben, de las fèstas nadalencas! La dimenjada èra plan marcada al calendièr de la sason coma jornada de recobrament e se pòt pensar que de sancions van tombar sul club pirenenc que se trapa dins una plan marrida passa.
A Domèc, aquò permetèt a l’esquipa feminina locala de jogar a l’ora de l’Elèit 1 e de ganhar (68-4) la partida a 9 amb las tolosanas.
Elèit 2: Un dèrbi catalan per Illa
En Elèit 2, se joguèron tres partidas pel compte de la desena jornada. Vilafranca se desplacèt pas a Pià en rason de la Covid.
Dissabte, Selon ganhava lo dèrbi provençal fàcia a Carpentràs 38-28 e Illa demorava mèstra (22-14) en cò sieu fàcia a Baó: 22-14. Dimenge, Vilagalhenc-Argon pèrd son invincibilitat a l’Escura: 36-28.
Dragons: desfilat de mòda
Los Dragons Catalans an presentat los dos malhòts que portaràn aquesta sason: un blanc amb l’escapulari sang e aur per jogar a Brutus; l’autre, jaune raiat de roge acompanhat de braietas rojas pels rescontres a l’exterior.
Sul pitre, figurarà pas pus la marca Sud de France (que passa dins l’esquina), mas Zodiac: una entrepresa locala, mas americanocastelhana, d’espandi francés especializada dins lo material per las piscinas. Permetrà probable als Dragons de plan nadar e de se jogar de las trapèlas dins la competicion novèla…
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari