Actualitats
Chile: victòria de l’esquèrra a la presidenciala
Gabriel Boric Font, de 35 ans, es lo president mai votat de l’istòria chilena e serà lo president mai jove del país
Tèxte legit
Al primièr torn, lo 21 de novembre, foguèt segond amb lo 25,83% dels vòtes, just darrièr José Antonio Kast, que n’obtenguèt lo 27,91%. Mas al segond torn l’a superat amplament.
Lo nòu president chilen a centrat sa campanha electorala sus la fin del neoliberalisme e sus de dreches fondamentals amb un programa centrat sul feminisme e l’ecologisme. Vòl aumentar los impòstes del 8% en 8 ans, sustot pels pus rics, e desira d'impausar de taxas sus l’extraccion del coire, que Chile n’es lo màger productor. A mai, es favorable a la descentralizacion e la defend en tot revendicar sas originas catalanas.
Gabriel Boric Font es d'efièch descendent de croats e de catalans que s’establiguèron en Chile fa mai d’un sègle, sosten l’independentisme catalan, e emplega de temps en temps la lenga catalana dins sas publicacions suls rets socials.
Totun, la composicion del parlament a pas de majoritat clara, e doncas lo nòu executiu deurà negociar las mesuras que prepausarà amb las autras fòrças politicas que son contràrias a aquel programa.
Gabriel Boric Font vendrà lo president mai esquerrista del país, après Salvador Allende, e arriba après una estapa neoliberala que reprimiguèt amb una duretat extrèma las grandas manifestacions de la tardor de 2019.
Reconeissença dels pòbles originaris
Dins son primièr discors coma president del país, Gabriel Boric Font, mercegèt “totes los pòbles originaris qu’abitan l’endrech nomenat Chile”. A mai, sas primièras paraulas las prononcièt en las lengas mapuche, aimara e rapanui.
Dins sa campanha, Boric Font s’es d'efièch tanplan acercat del combat del pòble mapuche per sa reconeissença lingüistica e culturala.
Gabriel Boric started his speech with a greeting in Spanish and Mapuche. https://t.co/2a5bDXuWYZ
— giantpandinha (@giantpandinha) December 20, 2021
(When I lived in Osorno briefly in the 90s, I was utterly shocked with the erasure of Mapuche people from history and popular culture.)
Mind-blowing scenes in Santiago, where hundreds of thousands have flocked onto the streets to celebrate Gabriel Boric's victory pic.twitter.com/uirvG1mVBg
— John Bartlett (@jwbartlett92) December 20, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I aurà enfin un president catalan..... en Chile !
Visca! Que Diéu lo beneissa e l'ajude en lo larg camin que li espera
Se la Borica es d'origina espanhòla, lo Boricòt o es tanben, vertat.
Mas enfin en America Latina es pro corrent.
E ara fai tirar.
#2 Totes los que se pretendon a esquerra "de governament" son passats a dreite neoliberal per demorar euro-compatibles e esposonrizables mediaticament (car coma als estats units d'America, sonque los rics ultrarics pòdon finançar la mediatizacion eficaça d'una campanha electorala segon lo metòdi e las reglas actualas.
çò mei susprenent encara, es que nat daus candidats dits d'esquèrra mentau pas l'urgéncia d'un servici public de santat potent e capable de sunhar la poblacion. Despassat per una malaudia que tòca pas que los febles, en màger part, e damb l'unica responsa politica de la matraca e d'enclavar la societat.
Que seré en càs d'epidemia mei seriosa ? Perqué digun dens lo camp progressiu gausa pas parlar de servici public, d'educacion, de redistribucion, de transpòrt ? On son aqueths guignols ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari