Bandièra01 1180x150: Comuna de Tolosa

Actualitats

Dobèrta la consulta publica sus la nòva linha TGV Montpelhièr-Perpinhan

L’enquista publica es dobèrta fins al 27 de genièr de 2022

| Wikimedia commons

Tèxte legit

Es dobèrta la consulta publica per la nòva linha TGV Montpelhièr-Perpinhan. La societat SNCF Ret ven de dobrir l’enquista prèvia a la declaracion d’utilitat publica del projècte. Los engenhaires prepausan un nòu percors luènh de la via actuala mas un pauc mai a l’interior. Se tracta de 52,3 quilomètres d'una linha nòva que se poiriá metre en servici en 2034 entre Monpelhièr e Besièrs, e que culminariá en 2040 en jonhent la capitala nòrd-catalana.
 
L’enquista publica es dobèrta fins al 27 de genièr de 2022 a 17h30, e se pòt consultar a la comuna de Montpelhièr, a la comunautat d’aglomeracion Besièrs-Mediterranèa, a la comuna de Floreçac e a la comuna de Gijan. Tanben sul sit Internet www.registre-numerique.fr/lnmp-phase-1.
 
Lo projècte pertòca las comunas de Montpelhièr, Latas, Sant Joan de Vedats, Vilanòva de Magalona, Fabregas, Gijan, Poçan, Lopian, Mesa, Pinet, Pomeiròus, Floreçac, Sant Tibèri, Beçan, Montblanc, Cèrç, Vilanòva de Besièrs e Besièrs.
 
Montpelhièr-Perpinhan es lo tròç de linha ferroviària que manca per unir las rets de granda velocitat de la peninsula Iberica al demai d’Euròpa. Un projècte qu’es dins los cartons dempuèi mai de 20 ans.

 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

I som anat moltes vegadas des de Barcelona a Montpelhier, es la porta per entrar a Catalunya Nord e Occitania, doncas cal que funcione ben.

  • 4
  • 0
Pitaluga
1.

Totjorn mai aviat, amb de garas fòra sòl coma a Montpelhièr, e totjorn mai de terren degalhat.

  • 4
  • 1

Escriu un comentari sus aqueste article