Actualitats
L’opèra en occitan Dafnís e Alcimadura sus Òc Tèle
La cadena prepausa un documentari sus la redescobèrta d’aquela òbra barròca que la fa l’orquèstra Les Passions
Òc Tèle presenta un documentari sus la redescobèrta que la fa de Dafnis e Alcimadura l’orquèstra barròca Les Passions jos la direccion de Jean-Marc Andrieu. Lo documentari seguís la cantadora Muriel Batbie Castell e sa descobèrta del manuscrit dins los locals del CIRDÒC a Besièrs, las primièras repeticions de l'orquèstra a Montalban, los obradors amb de classas, puèi enfin la primièra representacion en public. Un documentari que restituís l’aventura d’aquela creacion occitana.
Dafnís e Alcimadura foguèt una de las opèras mai importantas del sègle XVIII. Compausada pel narbonés Joan Josèp Cassanèa de Mondovila, se representèt pel primièr còp lo 24 d’octòbre de 1754. L’opèra es cantada en lengadocian, gascon e provençal, segon los dialècte dels primièrs interprèts, e conta la malaürosa istòria d’amor del pastor Dafnís e de la bèla Alcimadura. Los fraires Grimm èran afogats d’aquela opèra.
L’òbra tombèt dins la desmembrança, coma la majoritat de las composicions occitanas de la Renaissença e del barròc, mas una edicion de 1754 es preservada al CIRDÒC. Lo 3 de julhet de 1981, se’n faguèt una mesa en scèna a Montpelhièr dins lo primièr festenal internacional Montpelhièr Dança.
https://www.octele.com/Daphnis-alcimadure_fiche_4019.html
Dafnís e Alcimadura foguèt una de las opèras mai importantas del sègle XVIII. Compausada pel narbonés Joan Josèp Cassanèa de Mondovila, se representèt pel primièr còp lo 24 d’octòbre de 1754. L’opèra es cantada en lengadocian, gascon e provençal, segon los dialècte dels primièrs interprèts, e conta la malaürosa istòria d’amor del pastor Dafnís e de la bèla Alcimadura. Los fraires Grimm èran afogats d’aquela opèra.
L’òbra tombèt dins la desmembrança, coma la majoritat de las composicions occitanas de la Renaissença e del barròc, mas una edicion de 1754 es preservada al CIRDÒC. Lo 3 de julhet de 1981, se’n faguèt una mesa en scèna a Montpelhièr dins lo primièr festenal internacional Montpelhièr Dança.
https://www.octele.com/Daphnis-alcimadure_fiche_4019.html
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2#3 A ieu tanben me confla l'operà, e entre Iron Maiden e La Castafiòra la causida es lèu facha. Mas solide te caldria faire mina de l'aimar aquel operà pr'amor qu'es en-oc-ci-tan, cambarada ! Aquò se ditz seguir la linha oficiala del partit, siquenon, gara ! Sias reborsièr, eh ? T'i fas totjorn pas, vertat ? Ieu tanpauc. E sul pic, me remèti Radiohead !
Als pocejaires estupidament intolerants, bis repetita placent : a ieu me cofla l'operà . Es un pecat ?
A ieu me cofla l'operà. En quina lenga que siague.
Aquò es una bona novèla a dos nivèls per nosautres totes :
1) Aquesta òbra va èsser donada a escotar e saborar, vivificada per una interpretacion contemporanèa (que gausi esperar enregistrada e publicada puèi…)
2) Aquesta òbra va èsser donada a escotar d'Occitania estant, per una formacion musicala e lirica occitana.
Pichona precision totun : "Dafnis e Acimadura" non es "una opèra", mas "una pastorala" en occitan.
La primièra e, fins ara, unica opèra autentica en occitan es "Beatritz de Planissòlas", musica de Jacques Charpentier, e libret de Renat Nelli (creada en 1971, cresi me remembrar).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari