Una presentaira del jornal televisat ven de far istòria en Nòva Zelanda. La jornalista Oriini Kaipara metèt en valor son tatoatge tradicional maòri al menton dins l’edicion mai importanta de l’informatiu televisat de la cadena Three. “Ai dobèrt de nòvas draias per nosautres maòris, mas tanben per las gents non blancas, qu’ajan un tatoatge o non”, çò explica la jornalista.
 
A mai, fòrça espectators de la cadena son contents de veire que pronóncia corrèctament de mots e de toponims en la lenga originària del país. Ela assegura que pels espectators maòris, ausir quicòm en lor lenga “refortís vertadièrament lor coratge”.
 
L’acceptacion dels tatoatges tradicionals maòris dins fòrça emplecs a generat fòrça debats. Per exemple, calguèt esperar l’an 2019 per que l’aerolinha Air New Zeland permetèsse que sos emplegats portèsson de tatoatges.
 
 

 

 

 

 

View this post on Instagram

 

 

 

 

 

 

 

 

 

 

 

A post shared by Oriini Kaipara (@oriinz)