Actualitats
Lo jorn de l’Epifania en Occitània
Aran e las Valadas festejan uèi lo jorn dels Reis Magues del temps que lo rèsta d’Occitània o faguèt dimenge passat o o farà dimenge que ven
Tèxte legit
Lo jorn dels Reis Magues, o Epifania, es una fèsta tradicionala que se celèbra uèi en Aran e dins las Valadas. Mas a Mónegue e dins l’estat francés, lo 6 de genièr es un jorn obrant, e doncas se festegèt dimenge passat, o se festejarà dimenge venent.
La fèsta consistís normalament en un bon repais en familha e una còca al dessèrt que conten una fava. Segon la tradicion, lo mai jove se deu metre jos la taula per designar la part de la còca que tòca a cadun. Lo que trobarà la fava dins sa part vendrà lo rei de la fèsta.
En Aran, los tres Reis amb masca
En Aran, los mainatges an escrich de letras als Reis Magues en lor demandant de presents, e las an liuradas als postièrs reials que se tròban al país per Calendas. La velha, los tres Reis Magues desfilan per Aran amb tot lor seguici dins la tradicionala “cavaucada”. Aqueste matin, los mai petits an trobat a l’ostal los presents que los Reis Magues e lors ajudaires lor avián daissats.
En consequéncia de la pandemia, los tres Reis e lor seguici portavan la masca e lo percors de la “cavaucada” es estat diferent per garentir las distàncias socialas e evitar las molonadas. Lo discors tradicional dels magues s’es pogut tanplan seguir suls rets socials.
La fèsta consistís normalament en un bon repais en familha e una còca al dessèrt que conten una fava. Segon la tradicion, lo mai jove se deu metre jos la taula per designar la part de la còca que tòca a cadun. Lo que trobarà la fava dins sa part vendrà lo rei de la fèsta.
En Aran, los tres Reis amb masca
En Aran, los mainatges an escrich de letras als Reis Magues en lor demandant de presents, e las an liuradas als postièrs reials que se tròban al país per Calendas. La velha, los tres Reis Magues desfilan per Aran amb tot lor seguici dins la tradicionala “cavaucada”. Aqueste matin, los mai petits an trobat a l’ostal los presents que los Reis Magues e lors ajudaires lor avián daissats.
En consequéncia de la pandemia, los tres Reis e lor seguici portavan la masca e lo percors de la “cavaucada” es estat diferent per garentir las distàncias socialas e evitar las molonadas. Lo discors tradicional dels magues s’es pogut tanplan seguir suls rets socials.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ieu me pensàvai que les Reis èran le 6 de genièr, quin que siá le jorn de la setmana, obrat o pas obrat e qu'amb aquò n'i aviá plan pro per festejar les Reis, pels qu'ac vòlgan fèr, e subretot per se manjar la còca (e res de "galettes", segur) que, de tot biaish, la còca se pòt manjar cada jorn, coma tanplan le dimenge d'abans e le dimenge d'après que jamès n'aurem pro de jorns per nos la manjar.
Que d'unis estats se sián adobats amb le calendari, es lor afèr. Tanplan, aurián poscut decretar que Nadal se festejariá le dimenge abans o après, o que le Diluns de Pascas es le dimenge que precedís o que Sant Joan es per Sant Pèire e qué sabi mès ieu... Les estats son talament potents que vos farián prene una alienacion per una emancipacion... Alavets, les Reis, dins una republica...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari