Bandièra01 capçalera 1180x150: Botiga

Actualitats

InternacionalPolitica

Russia e un grop d’estats èx-sovietics mandan de tropas en Cazacstan

Las protèstas se son estendudas a las principalas vilas del país a causa de la pojada dels prèses dels carburants. Los mòrts se comptan per desenas e lo govèrn a demissionat

Tèxte legit

L’Organizacion del Tractat de Seguretat Collectiva, integrada per Russia, Armenia, Bielorussia, Tatgiquistan, Quirguiztan e Cazacstan, mandarà de tropas per apasimar aquel darrièr país, çò anoncièt dimècres de ser lo primièr ministre armèni Nikol Pashinyan, qu’es a l’ora d’ara lo secretari general de l’organizacion. Segon Pashinyan, las tropas i demoraràn un temps limitat e per estabilizar la situacion creada pels fòrts rambalhs dels darrièrs jorns.
 
Lo president de Cazacstan, Kasim-Jomart Tokaiev, a fach demissionar lo govèrn a causa de las protèstas que se tenon dins las principalas vilas del país en rason de la pojada dels prèses dels carburants, qu’an doblat en qualques jorns. S’es declarat l’estat d’emergéncia e las fòrças de l’òrdre an tuat de desenas de manifestants del temps que se rapòrtan almens 12 policièrs mòrts.
 
Tokaiev a avertit los manifestants que pensa pas de demissionar e a nomenat un primièr ministre en foncions, Alikhan Smailov, qu’èra lo viceprimièr ministre del govèrn anterior.
 
Per empedir las protèstas, a declarat illegalas las cridas a las protèstas e a dich que serà inflexible a l’ora de reprimir. A mai, a fach blocar l’accès a Internet e las aplicacions de messatjariá per telefòn mobil.
 
Per ara, ni la violéncia governamentala ni las duras condicions de l’ivèrn an capitat a arrestar las protèstas.
 
 



 

 

 
 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ròdrigo Bigòrra
5.

#2 Adixatz, era nacion "occitana" unida politicament e istoricament n'a pas jamès etsistit ,qu'éran un heix de condats de soca carologiana franca , ennemics entre eths per etsemple era maison de Tolosa tostemps en guerra contra era de Barcelona que's pelejevan entath marquisat de Provença ,Tolosa contra Carcasona e atau per tot .D'aquera grana "occitania"mitica que cau tirar era Gasconha qui era etsista desempuix eth an 600 creada coma ducat per tratat de Paris , tà çò qui ei dera situacion der'occtania o que valeré mes diser deth sud de França n'ei pas tan mala qu'aquerò que's trova en era dusau economia d'er union europenca ,problèmas que n'i a plan segur màs coma pertot en Europa e en eth monde sencèr !

  • 1
  • 1
Franc Bardòu
4.

#2 Los Occitans, coma los Catalans e totes los autres pòbles del mond, son someses al neoliberalisme internacional. Lo que non finta que lo sieu monilh risca fòrt de non poder distiguir lo sieu enemic principal.

  • 0
  • 0
Xim
3.

#1
*ionquis > yankees (se sèrva lo mot original)
*al darrera de > darrièr

  • 0
  • 0
Xim
2.

Los occitans fariatz melhor de vos preocupar de la situacion de la vòstra nacion.
Non vos fa servici de parlar de Russia.

  • 2
  • 0
francesc palma
1.

Los ionquis son al darrera de tot açò.

  • 0
  • 0

Escriu un comentari sus aqueste article