Bandièra01 1180x150: Comuna de Tolosa

Actualitats

Fauta de passador sanitari, Novak Đoković pòt pas intrar en Austràlia

Lo tenista sèrbe quitarà d’èsser lo numèro 1 mondial d’aquel espòrt se manca l’Open d’Austràlia

Tèxte legit

Lo govèrn d’Austràlia a refusat l’accès al país del tenista sèrbe Novak Đoković perque complís pas las requerenças sanitàrias. Đoković es pas vaccinat contra la covid-19 e pòt pas demostrar qu’aja superat la malautiá aquestes darrièrs sièis meses, coma o requerisson las autoritats d’aquel país.
 
Lo tenista sèrbe ten lo recòrd d’èsser lo numèro 1 mondial d’aquel espòrt pendent 354 setmanas. Mas perdriá 2000 ponches se participava pas a l’Open d’Austràlia. A mai, recuperar la marca li serà complicat car sens vaccinacion mancarà de campionats importants se pòt pas tanpauc intrar als Estats Units ni al Reialme Unit.
 
L’afar es arribat sul terren diplomatic e lo quite president de Serbia, Aleksandar Vučić, a dich sus Instagram que las autoritats sèrbas èran a prene totas las mesuras per arrestar “lo secutament contra lo melhor tenista del Mond”.
 

abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Laurenç Perth (Austràlia dau Ponent)
5.

#2 Lo Senher Djokovič a volgut esser mai finòt que l'administracion australiana en garnissant lo formulari d’exempcion à la vaccinacion : ara pòu pas (ò vòu pas) presentar un certificat de malautiá, d’allergia, etc.
E dins lo meteis tems, crida au lop, a la persecucion, qu’es un presonier de l’estat australian come un refugiat illegau… Mai pòu chausir de rintrar en Serbia ò dins quin país que siegue (e que lo vòu) ! Mai non, a chausit de restar e atacar davans la justicia… per se far de publicitat !

  • 2
  • 2
L\\\\\\\'Alan Carcassona
4.

Es clar qu'Australia es pas un Estat centralizat. Los Estats de Victoria, Nòva-Galas del sud, Queensland… pòdon prene mesuras especificas. Atal, la finala de NRL e los rescontres dels Estats d'origina del XIII se poguèron pas debanar a Sydney.
En fonccion de las situacions localas, unas vilas se coinfinhèron en Australia e Nòva-Zelanda en rason de quauquas personas contaminadas.
Los dirigents de la Federación australiana de tenís devon (deurián ?) èsser plan al fial del foncionament de lor país ??? !

  • 0
  • 1
francesc palma
3.

Tothom s'a de vacunar coma dis l'OMS e practicament es obligatori. Encara que sia lo Rei de l'Imperi, lo general Makinton, o lo Napoleon Bonapart , s'an de vacunar per la salut d'eles e de la poblacion mundiala. Non s'a de tenir paur, perquè los que tenen alergias o incompatibilitats amb las vacunas no los vacunan. S' aqueste jugador tengués qualque problema d'alergias o incompatibilitat amb las vacunas li permetrien que jugàs. Aqueste deue ser un negacionista que non vol se vacunar per paur o per colhons. Pot ser un gran jugaire de tennis mas de medecina es un ignorant.

  • 3
  • 1
Batko
2.

L'informacion que'm sembla mancar, es que, estranhament, i avoc longas charradissas entre lo pair de Djokò (son secretari) e los organizaires deu tornèi pendent lo mes de deceme. Se Novak Djokovich a hèit lo viatge a Australia (20 oras), es que receboc las asseguranças de poder jogar. Es doncas aquesta revirada qu'es estranha. Benlèu un pelei politic entre lo govèrn federau australian e lo govèrn de la província on lo tornèi se debana.

  • 5
  • 3
L\\\'Alan Carcassona
1.

Urosament per el que lo Novak Djokovoic jòga pas al rugbí de 13 en Australia. Saupriá çò qu’es un protocòl sanitari de seguir https://treizemondial.fr/la-nrl-durcit-ses-conditions-envers-les-joueurs/ :
- interdiccion des e rendre dins un pub o un club
- interdiccion d’anar al cinèma
- los visiteires al domicili d’un jogaire NRL demòran presentar un tèst antigenic negatiu
- autotizacion d’anar al restaurant, mas solamentb a una taula defòra.
E serà encara mai complicat per un jogaire non vaccinat (que, probable, poirà pas dintrar dins un estadi dins unes Estats) : pas de vesitaire a l’ostal ; pas de vesita endacòm mai ; obligacion de s’entrainar pas, manjar pas e se banhar pas amb los equipièrs vaccinats. E la NRL manca pas los qu’apliacan pas la règlament amb sanccions financièras e disciplinàrias !

  • 5
  • 1

Escriu un comentari sus aqueste article