Bandièra01 1180x150: Comuna de Tolosa

Actualitats

Bascoat: 191 manifestacions simultanèas pels dreches dels presonièrs politics

Aquelas mobilizacions descentralizadas an remplaçat la manifestacion que se ten cada an a Bilbao après lo periòde de Calendas

| Gotzon Hermosilla

Tèxte legit

Se tenguèt durant la dimenjada passada 191 manifestacions simultanèas al Bascoat e a Baiona contra la politica espanhòla d'alonhament dels presonièrs politics, una mesura penitenciària excepcionala. Aquelas mobilizacions descentralizadas an remplaçat la manifestacion que se ten cada an a Bilbao après lo periòde de Calendas. La decision de descentralizar la protèsta l’an presa per evitar de risques sanitaris a causa de la grèva situacion d’infeccions de covid-19.
 
Las protèstas seguissián la crida de Sare, lo ret ciutadan de sosten als presonièrs d’ÈTA, qu’exigís lo ponch final d’aquelas politicas penitenciàrias excepcionalas. “Exigissèm pas cap de privilègi, exigissèm la justícia, sonque la justícia. Revendicam de dreches umans. Fasèm pas de revendicacions politicas”, çò dison. De fach, demandan que s’obsèrve un drech establit “dins de tractats internacionals e dins la quita Constitucion espanhòla”, que vòl que los presonièrs sián dins de presons pròchas. Es un fach que dison de “poder pas acceptar, mai que mai après mai d’un decenni sens violéncia”.
 

abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi! 31
3.

"Simultanèa" ?
La tonica en lengas latinas pòrta sus la A, "simultànea" , non pas tal coma en francés.
Perqué pas simultanh-a tal coma méditerranh-a (TdF) ?
La "è" en plaça d'una "é" es una aberracion grafica, çò m'par..

  • 0
  • 1
Franc Bardòu
2.

#1 Cap violéncia non es legitima.

Mas lo mai clar del temps, una violéncia (per exemple, la dita "terrorista") respond a una autra (que non mens terroriza, la d'un estat, o d'una fòrça d'ocupacion, per exemple) e se non se torna contra lo borrèl que fa patir, se revira contra d'innocents (coma los ultims actes d'ETA) o contra se-meteis, tot simplament. L'exemple occitan n'es una illustracion de las bravas d'aquesta darrièra opcion…

Mon papet resistiguèt a l'ocupacion alamanda nacional-socialista dins la ret de resisténcia Morange, en Gasconha tolosana. Las fòrças d'ocupacion e la polícia de l'estat francés lo disián "terrorista". Mas qui mai terrorizava las gents, d'aquel fotut temps de l'istòria ? Qui es lo terrorista de l'autre ? Qui mai o es ?

Cap violéncia non es legitima. E embarrar los preisonièrs a 1000 km de lors familhas es tanben una fòrma inadmissibla de violéncia.

  • 6
  • 0
Mesquin
1.

Es un fach que dison de “poder pas acceptar, mai que mai après mai d’un decenni sens violéncia”. Cresi que s'enganan en s'expausar aital. O es que cal mercejar los terroristas per abandonar la violéncia? Tanben caldriá revisar lo tèrme "presonièr polític". De tot biais, cal respectar los dreches dels condemnats e los raprochar a lors ostals. La pena deu pas venir una venjança, e aquò nos arriba dempuèi tròp de temps.

  • 4
  • 11

Escriu un comentari sus aqueste article